ആ​ർ​ഭാ​ട ജീ​വി​തത്തിന്  ബൈക്കിലെത്തി മാല മോഷണം; സ്വ​ർ​ണം വി​റ്റു​കി​ട്ടു​ന്ന പ​ണം​കൊ​ണ്ട് മു​ന്തി​യ ഹോ​ട്ട​ലു​ക​ളി​ൽ  നിന്ന് മദ്യപാനവും  മൃ​ഷ്ടാ​ന ഭോ​ജ​ന​വും;  ചങ്ങനാശേരിയിലെ പയ്യൻമാർ ചില്ലറക്കാരല്ല…

ച​ങ്ങ​നാ​ശേ​രി: മോ​ഷ്ടി​ച്ച ബൈ​ക്കി​ൽ ക​റ​ക്കം. മു​ന്തി​യ ഹോ​ട്ട​ലു​ക​ളി​ൽ മ​ദ്യ​പാ​ന​വും മൃ​ഷ്ടാ​ന ഭോ​ജ​ന​വും. മി​ച്ച​മു​ള്ള ക​ള​ക്ഷ​ൻ വീ​തം​വ​യ്ക്കും. തൃ​ക്കൊ​ടി​ത്താ​നം പോ​ലീ​സ് ക​ഴി​ഞ്ഞ ദി​വ​സ​ങ്ങ​ളി​ൽ പി​ടി​കൂ​ടി​യ മാ​ല മോ​ഷ​ണ​ക്കേ​സു​ക​ളി​ലെ പ്ര​തി​ക​ളു​ടെ ജീ​വി​ത​ച​ര്യ ഇ​ങ്ങ​നെ​യാ​ണ്.

ആ​ർ​ഭാ​ട ജീ​വി​ത​വും ധൂ​ർ​ത്തി​നു വേ​ണ്ടി​യാ​ണ് ബൈ​ക്കി​ലെ​ത്തി സ്ത്രീ​ക​ളു​ടെ സ്വ​ർ​ണ​മാ​ല പൊ​ട്ടി​ക്കു​ന്ന​തെ​ന്ന് മോ​ഷ്ടാ​ക്ക​ൾ പ​റ​ഞ്ഞു. നാ​ലു​കോ​ടി സ്വ​ദേ​ശി​ക​ളാ​യ പ്ര​ണ​വ്, അ​ല​ൻ റേ​യി, ജ​സ്റ്റി​ൻ ബി​ജു എ​ന്നി​വ​രാ​ണ് ഇ​തി​നോ​ട​കം പോ​ലീ​സ് അ​റ​സ്റ്റു ചെ​യ്ത​ത്.

പ്ര​തി​ക​ളെ ചോ​ദ്യം ചെ​യ്ത​തി​ൽ നി​ന്നു​മാ​ണ് മോ​ഷ​ണ രീ​തി​യു​ടേ​യും ആ​ർ​ഭാ​ട ജീ​വി​ത​ത്തി​വ​ന്‍റെ​യും ചു​രു​ള​ഴി​യു​ന്ന​ത്.തൃ​ക്കൊ​ടി​ത്താ​നം എ​സ്എ​ച്ച്ഒ എ.​അ​ജീ​ബി​ന്‍റെ നേ​തൃ​ത്വ​ത്തി​ൽ പോ​ലീ​സ് ന​ട​ത്തി​യ ആ​സൂ​ത്രി​ത അ​ന്വേ​ഷ​ണ​ങ്ങ​ളി​ലാ​ണ് പ്ര​തി​ക​ളാ​യ നാ​ലു യു​വാ​ക്ക​ളെ പി​ടി​കൂ​ടാ​നാ​യ​ത്.

പ്ര​തി​ക​ളു​ടെ പേ​രി​ൽ വി​വി​ധ പോ​ലീ​സ് സ്റ്റേ​ഷ​നു​ക​ളി​ൽ കേ​സു​ക​ൾ നി​ല​വി​ലു​ണ്ട്. പി​ടി​ച്ചു​പ​റി​ച്ചു കി​ട്ടു​ന്ന സ്വ​ർ​ണം വി​റ്റു​കി​ട്ടു​ന്ന പ​ണം​കൊ​ണ്ട് മു​ന്തി​യ ഹോ​ട്ട​ലു​ക​ളി​ലേ​ക്കാ​ണ് സം​ഘം പോ​കു​ന്ന​ത്. മ​ദ്യ​പാ​നം ന​ട​ത്തു​ന്ന​തി​നൊ​പ്പം മൃ​ഷ്ടാ​ന ഭോ​ജ​ന​വും ഇ​വ​രു​ടെ പ​തി​വു​ക്ര​മ​മാ​യി​രു​ന്നു.

മോ​ഷ്ടി​ച്ച ബൈ​ക്കു​ക​ളി​ലും വാ​ട​ക​യ്ക്കെ​ടു​ത്ത ബൈ​ക്കു​ക​ളി​ലും ക​റ​ങ്ങി ന​ട​ന്നാ​ണ് സം​ഘം സ്ത്രീ​ക​ളു​ടെ മാ​ല പൊ​ട്ടി​ച്ചി​രു​ന്ന​ത്.ഇ​വ​ർ ബൈ​ക്കു​ക​ളി​ലും കാ​റു​ക​ളി​ലു​മാ​യി മം​ഗ​ലാ​പു​രം, ഗോ​വ, ബം​ഗ​ളു​രു എ​ന്നി​വി​ട​ങ്ങ​ൾ സ​ന്ദ​ർ​ശി​ച്ചി​രു​ന്ന​താ​യും പോ​ലീ​സി​നു സൂ​ച​ന​ക​ൾ ല​ഭി​ച്ചി​ട്ടു​ണ്ട്.

കേ​സി​ലെ പ്ര​ധാ​ന പ്ര​തി ജി​സി​നെ പോ​ലീ​സ് അ​ന്വേ​ഷി​ച്ചു വ​രി​ക​യാ​ണ്.സ്വ​ർ​ണ​മാ​ല പി​ടി​ച്ചു​പ​റി​ക്ക​ൽ കൂ​ടാ​തെ ബൈ​ക്ക് ത​ട്ടി​യെ​ടു​ത്ത കേ​സും ഇ​യാ​ളു​ടെ പേ​രി​ലു​ള്ള​താ​യും പോ​ലീ​സ് പ​റ​ഞ്ഞു.