ചെറുവത്തൂർ: വൻ തുകയുടെ മൊബൈൽ ഫോൺ ചെറിയ തുക അടച്ചാൽ തരാമെന്ന് പറഞ്ഞ് യുവാവിനെ വഞ്ചിച്ചുവെന്നതിന് ചന്തേര പോലീസ് കേസെടുത്തു.
30,000 രൂപ വില വരുന്ന മൊബൈൽ ഫോൺ വെറും 1500 രൂപയും ഹാൻഡ്ലിംഗ് ചാർജും നൽകിയാൽ ഓൺലൈൻ വഴി എത്തിക്കുന്നുന്ന് പറഞ്ഞ് സാമൂഹ്യ മാധ്യമം വഴി വന്ന പരസ്യം കണ്ട് പണമയച്ച ചെറുവത്തൂർ വടക്കുമ്പാട് സ്വദേശി ടി. സൂരജാണ് കബളിപ്പിക്കപ്പെട്ടത്.
ജനുവരി 13ന് പരസ്യം കണ്ട് പ്രതികരിച്ചതോടെ ഹരിയാന സ്വദേശിയാണെന്ന് കരുതുന്ന റിജേഷ് കുമാർ എന്നയാളാണ് യുവാവിനെ വഞ്ചിച്ചതെന്ന് ചന്തേര പോലീസിൽ നൽകിയ പരാതിയിൽ പറയുന്നു.
