നിങ്ങൾ പാരാഗ്ലൈഡിംഗ് ചെയ്തിട്ടുണ്ടോ ഇല്ലെങ്കിൽ വേഗം പോയി ചെയുക, പ്രായം അതിനൊരു തടസമല്ലെന്ന് തെളിയിക്കുന്ന വീഡിയോയാണ് സമൂഹ മാധ്യമങ്ങളിൽ ട്രെൻഡിംഗ്. എഴുപത്തിമൂന്നുകാരിയുടെ ആത്മവിശ്വാസവും അർപ്പണബോധവുമാണ് ഈ വീഡിയോ കാണിച്ചുതരുന്നത്.
ഹിമാചൽ പ്രദേശിലെ ബിർ ബില്ലിംഗ് മേഖലയിൽ പാരാഗ്ലൈഡിംഗ് ചെയ്ത എഴുപത്തിമൂന്നുകാരിയാണ് ഇപ്പോൾ സമൂഹ മാധ്യമങ്ങളിലെ താരം. അർജുൻ സിംഗ് എന്ന പരിശീലകൻഎഴുപത്തിമൂന്നുകാരിയായ സ്ത്രീയോട് സംസാരിക്കുന്ന വീഡിയോയാണ് പങ്കുവച്ചിരിക്കുന്നത്.
പരിശീലകന്റെ നിർദേശങ്ങൾ കേൾക്കുന്നതും ക്ഷമയോടും ആത്മവിശ്വാസത്തോടും കൂടെ വൃദ്ധ നില്ക്കുന്നതുമാണ് വീഡിയോയിൽ ചിത്രീകരിച്ചിരിക്കുന്നത്. ലോകത്തിലെ ഏറ്റവും മനോഹരമായ പാരാഗ്ലൈഡിംഗ് ലക്ഷ്യസ്ഥാനങ്ങളിൽ ഒന്നായ കൺഗ്രാ താഴ്വരയിലെ മനോഹരമായ പാരാഗ്ലൈഡിംഗ് ദൃശ്യങ്ങളും വീഡിയോയിലുണ്ട്.
രണ്ട് ലക്ഷത്തിൽപരം ആളുകളാണ് ഇതിനകം തന്നെ വീഡിയോ കണ്ടത്. എഴുപത്തിമൂന്നുകാരിയുടെ ധൈര്യത്തെയും വിശ്വാസത്തെയും പുകഴത്തികൊണ്ട് പലരും അഭിപ്രായങ്ങളും കമന്റുകളായി രേഖപ്പെടുത്തി. തന്റെ പ്രായത്തെ വെല്ലുവിളിച്ചുകൊണ്ട് ചെയ്ത സാഹസികം മനോഹരവും പലർക്കും പ്രചോദനവുമാണെന്ന് സമൂഹ മാധ്യമങ്ങൾ ചൂണ്ടികാട്ടി.
