കൊച്ചി: വിവാഹ വാഗ്ദാനം നല്‍കി യുവതിയെ പീഡിപ്പിച്ച കേസിലെ പ്രതിയെ റിമാന്‍ഡ് ചെയ്തു. കേസുമായി ബന്ധപ്പെട്ട് ബ്രിട്ടീഷ് പൗരത്വമുള്ള പത്തനംതിട്ട സ്വദേശി ല്കസനെ(40) എറണാകുളം ടൗണ്‍ നോര്‍ത്ത് പോലീസ് അറസ്റ്റ് ചെയ്തിരുന്നു.
തൃശൂര്‍ സ്വദേശിനിയായ യുവതിയെയാണ് വിവാഹവാഗ്ദാനം നല്‍കി കൊച്ചിയിലെത്തിച്ച് പീഡിപ്പിച്ചത്. ഇടപ്പള്ളിയിലെ വാടക വീട്ടില്‍ വച്ചും പിന്നീട് ചങ്ങനാശേരിയിലുള്ള സ്വന്തം വീട്ടിലെത്തിച്ചും പ്രതി യുവതിയെ പീഡിപ്പിച്ചതായാണ് കേസ്.
ഇതിന്‍റെ അടിസ്ഥാനത്തില്‍ പോലീസ് ഇയാളെ അന്വേഷിച്ചു വരികയായിരുന്നു. ശനിയാഴ്ച കോട്ടയത്തുനിന്നാണ് പ്രതിയെ നോര്‍ത്ത് പോലീസ് പിടികൂടിയത്.
കൂടാതെ വിദേശത്തു ജോലി വാഗ്ദാനം ചെയ്തു വഞ്ചിച്ചതിന് എറണാകുളം സെന്‍ട്രല്‍ സ്റ്റേഷനിലും ഇയാള്‍ക്കെതിരേ കേസുണ്ട്. പ്രതി വിദേശത്തും വഞ്ചനാ കേസുകളില്‍ ഉള്‍പ്പെട്ടതിനെ തുടര്‍ന്നാണ് നാട്ടിലെത്തിയത്.
