പാനൂർ: 10 വയസുകാരിയെ പീഡിപ്പിക്കാൻ ശ്രമിച്ച 70 കാരൻ അറസ്റ്റിൽ. കണ്ണങ്കോട്ടെ കുഞ്ഞിക്കണ നെയാണ് പോക്സോ പ്രകാരം കേസെടുത്ത് കൊളവല്ലൂർ എസ്ഐ നാരായണൻ അറസ്റ്റ് ചെയ്തത്. കഴിഞ്ഞ 24 നാണ് കേസിനാസ്പദമായ സംഭവം.
വൈകുന്നേരം 4.30 ഓടെ സ്കൂൾ വിട്ട് വീട്ടിലേക്ക് പോകുമ്പോൾ വീട്ടിനടുത്തുള്ള ഇടവഴിയിലാണ് അഞ്ചാം ക്ലാസുകാരിയെ പ്രതി പീഡിപ്പിക്കാൻ ശ്രമം നടത്തിയത്.കരഞ്ഞ് കൊണ്ട് വീട്ടിലെത്തിയ കുട്ടി വീട്ടുകാരോട് കാര്യങ്ങൾ വിശദീകരിക്കുകയായിരുന്നു. അറസ്റ്റ് ചെയ്ത പ്രതിയെ തലശേരി കോടതിയിൽ ഹാജരാക്കി. കോടതി പ്രതിയെ 14 ദിവസത്തേക്ക് റിമാൻഡ് ചെയ്തു.
