മകൾ എന്ന സിനിമയിൽ നസ്ലിൻ ഗഫൂറിനു വേണ്ടി ഉണ്ടാക്കിയ കഥാപാത്രമാണ് രോഹിത്. തണ്ണീർമത്തൻ ദിനങ്ങൾ മുതൽ ഞാൻ നസ്ലിനെ ശ്രദ്ധിക്കുന്നുണ്ട്.
ഞാൻ മാത്രമല്ല ഇക്ബാലും എന്റെ മക്കളുമൊക്കെ ഇവനെ ശ്രദ്ധിച്ചിട്ടുണ്ട്. അവൻ അഭിനയിക്കുന്ന പല സീനിലും കാമറ മുന്നിലുണ്ടെന്ന് തോന്നിപ്പിക്കാതെ ബിഹേവ് ചെയ്യുന്നുണ്ട്.
അത് വലിയൊരു ക്വാളിറ്റിയാണ്. ആക്ടിംഗ് വേറെ ബിഹേവിംഗ് വേറെ. അവൻ ആക്ട് ചെയ്യുന്നില്ല. അവൻ അവന് തോന്നുന്ന രീതിയിൽ അവന്റെ ഭാഷയിൽ കമ്യൂണിക്കേറ്റ് ചെയ്യുകയാണ്.
അത്തരമൊരു ക്യാരക്ടർ ഈ സിനിമയിൽ പ്രധാനമാണ്. അപർണ എന്ന് പറയുന്ന ദേവിക സഞ്ജയ് ചെയ്യുന്ന കഥാപാത്രത്തിന് ഇഷ്ടം തോന്നുന്ന ഒരു പയ്യൻ.
അവൻ അവന് തോന്നുന്ന അവന്റെ ബുദ്ധിയിൽ തോന്നുന്ന കുറേ സൂത്രങ്ങളൊക്കെയാണ് പ്രയോഗിക്കുന്നത്. അതുകൊണ്ടാണ് അവൻ ഹിന്ദി പറയുന്നതൊക്കെ.
ഷൂട്ട് ചെയ്യുന്ന സമയത്തുതന്നെ ഭയങ്കര പൊട്ടിച്ചിരിയുണ്ടാക്കിയ കുറേ സീനുകൾ ഉണ്ടായിരുന്നു. താരത്തിന്റെ പ്രകടനം കണ്ട് ജയറാം പോലും അന്തംവിട്ട് നോക്കി നിന്നിട്ടുണ്ട്. -സത്യൻ അന്തിക്കാട്