ചെന്നൈ: തമിഴ്നാട്ടിലെ ചെന്നൈയിൽ പലഹാരങ്ങൾ മുസ്‌ലിംകൾ ഉണ്ടാക്കിയവയല്ലെന്ന് പരസ്യം നൽകിയ ബേക്കറി ഉടമ അറസ്റ്റിൽ. ബേക്കറിയിലെ ഭക്ഷണസാധനങ്ങൾ ജൈനമതക്കാർ ആണ് ഉണ്ടാക്കിയതെന്നും മുസ്‌ലിം ജീവനക്കാർ അല്ലെന്നുമായിരുന്നു പരസ്യം.
സമൂഹമാധ്യമങ്ങളിലൂടെ പരസ്യം വൈറലായതോടെയാണ് ചെന്നൈയിലെ ടി നഗറിലെ ബേക്കറി ഉടമ അറസ്റ്റിലായത്. സമുദായ സംഘർഷം ഉണ്ടാക്കാൻ ശ്രമിച്ചെന്ന പരാതിയുടെ അടിസ്ഥാനത്തിലായിരുന്നു അറസ്റ്റ്.
