കോവിഡ് രോഗികള്‍ക്കൊപ്പം വാര്‍ഡില്‍ കിടക്കുന്നത് മൃതദേഹങ്ങളും ! മുംബൈയിലെ സര്‍ക്കാര്‍ ആശുപത്രിയില്‍ നിന്നുള്ള ദൃശ്യം പുറത്തുവിട്ട് ബിജെപി എംഎല്‍എ…

ആശുപത്രിയില്‍ കോവിഡ് രോഗികള്‍ക്കൊപ്പം മൃതദേഹങ്ങളും കിടക്കുന്നതിന്റെ ദൃശ്യങ്ങള്‍ പങ്കുവച്ച് ബിജെപി എംഎല്‍എ നിതീഷ് റാണെ. മുംബൈ കോര്‍പ്പേറേഷന്‍ നടത്തുന്ന സയന്‍ ആശുപത്രിയില്‍ നിന്നുള്ളതാണ് ഈ ഞെട്ടിപ്പിക്കുന്ന ദൃശ്യങ്ങള്‍. ആശുപത്രിയിലെ വാര്‍ഡില്‍ കോവിഡ് രോഗികള്‍ക്കൊപ്പം മൃതദേഹങ്ങളും കിടക്കുന്ന കാഴ്ചയാണ് അദ്ദേഹം പങ്കുവെച്ചത്. കോവിഡ് ബാധിച്ച് മരണപ്പെട്ടവരുടെ മൃതദേഹം പ്ലാസ്റ്റിക് കവറിലിട്ട് പൊതിഞ്ഞ് വാര്‍ഡില്‍ തന്നെ കിടത്തിയിരിക്കുന്നത് വീഡിയോയില്‍ നിന്നും വ്യക്തമാണ്. കൊവിഡ് ബാധിച്ച് മരിച്ച് ആറ് പേരുടെ മൃതദേഹങ്ങളാണ് ഇത്തരത്തില്‍ കിടത്തിയിരിക്കുന്നത്. മൃതദേഹങ്ങള്‍ നീക്കം ചെയ്യാന്‍ പോലും ആശുപത്രി അധികൃതര്‍ തയ്യാറാകുന്നില്ലെന്ന് എംഎല്‍എ ആരോപിക്കുന്നുണ്ട്. ആശുപത്രിയിലെ കോവിഡ് വാര്‍ഡില്‍ നിന്നുള്ള ദൃശ്യങ്ങള്‍ സഹിതം പങ്കുവച്ച് എംഎല്‍എ രംഗത്തെത്തിയെങ്കിലും ഇക്കാര്യത്തില്‍ ആശുപത്രി അധികൃതരുടെ ഭാഗത്തു നിന്ന് വിശദീകരണമൊന്നും ഇതുവരെ വന്നിട്ടില്ല.

Read More

കൊച്ചി കായലിനു സമീപം കണ്ട ബക്കറ്റ് തുറന്നു നോക്കിയ കുട്ടികള്‍ ഞെട്ടി; കണ്ടത് പൊക്കിള്‍കൊടി പോലും മുറിച്ചുമാറ്റാത്ത നിലയില്‍ നവജാതശിശുവിനെ; നടുക്കുന്ന സംഭവം ഇങ്ങനെ…

കായലിനു സമീപം ബക്കറ്റില്‍ ഉപേക്ഷിച്ച നിലയില്‍ നവജാതശിശുവിന്റെ മൃതദേഹം കണ്ടെത്തിയ സംഭവത്തില്‍ ദുരൂഹത. കൊച്ചി എളമക്കരയില്‍ കായലിന് സമീപമാണ് ബക്കറ്റിനുള്ളില്‍ കുഞ്ഞിന്റെ മൃതദേഹം കണ്ടെത്തിയത്. ഞായറാഴ്ച വൈകീട്ടായിരുന്നു സംഭവം. പൊക്കിള്‍കൊടി മുറിച്ചുമാറ്റാത്ത നിലയിലായിരുന്നു മൃതദേഹം. കായലിലൂടെ ഒഴുകിയെത്തിയ ബക്കറ്റ് പ്രദേശത്ത് കളിക്കുകയായിരുന്ന കുട്ടികളാണ് ആദ്യം കണ്ടത്. ബക്കറ്റ് എടുത്ത് നോക്കിയപ്പോഴാണ് കുട്ടികള്‍ നവജാത ശിശുവിന്റെ മൃതദേഹം കണ്ടത്. തുടര്‍ന്ന് പ്രദേശത്തുള്ളവരെ വിവരമറിയിക്കുകയും പോലീസില്‍ അറിയിക്കുകയും ചെയ്തു. സ്ഥലത്തെത്തിയ എളമക്കര പോലീസ് പരിശോധന നടത്തി. സംഭവത്തില്‍ വിശദമായ അന്വേഷണം ആരംഭിച്ചതായും, മൃതദേഹം പോസ്റ്റുമോര്‍ട്ടം നടപടികള്‍ക്കായി ആശുപത്രിയിലേക്ക് മാറ്റുമെന്നും പോലീസ് അറിയിച്ചു. സംഭവത്തില്‍ വിശദമായ അന്വേഷണം നടത്തുമെന്ന് പോലീസ് അറിയിച്ചു.

Read More