ബംഗളൂരു: വീടുകളിൽ നിന്ന് യുവതികളുടെ അടിവസ്ത്രം മാത്രം മോഷണം പോകുന്ന സ്ഥിതി. കളളനെക്കൊണ്ട് പൊറുതിയ മുട്ടിയ വീട്ടുകാർ പോലീസിൽ പരാതി നല്കി.
പോലീസ് അന്വേഷണത്തിൽ അടിവസ്ത്രങ്ങൾ മോഷ്ടിച്ച ശേഷം ഇവ ധരിച്ച് സ്വയം വീഡിയോ പകർത്തുന്ന മലയാളി യുവാവ് പിടിയിലായി. അമൽ എൻ. അജികുമാർ(23) ആണ് പിടിയിലായത്.
ഹെബ്ബഗോഡി പോലീസാണ് ഇയാളെ പിടികൂടിയത്. നഗരത്തിലെ റെസിഡൻഷൽ ലെയ്നുകളിൽ ഇയാളുടെ ദൃശ്യങ്ങൾ സിസിടിവിയിൽ പതിഞ്ഞതിനെ തുടർന്നാണ് പ്രതിയെ അറസ്റ്റ് ചെയ്തതെന്ന് പോലീസ് അറിയിച്ചു.
വീടുകളും വസ്ത്രങ്ങൾ ഉണക്കാൻ തൂക്കിയിട്ടിരുന്ന ബാൽക്കണികളുമാണ് അമൽ ലക്ഷ്യമിട്ടിരുന്നത്. പ്രതിയുടെ വീട്ടിൽ നിന്ന് മോഷ്ടിക്കപ്പെട്ടഅടിവസ്ത്രങ്ങളുടെ വലിയൊരു ശേഖരം പോലീസ് കണ്ടെടുത്തു.
