2019ലാണ് നിഷാദ് അഡ്വാൻസ് നൽകിയത്. പിന്നീട് കോവിഡും മറ്റു പ്രശ്നങ്ങളും മൂലം സിനിമയൊന്നും നടന്നില്ല. രണ്ടു തവണ മാത്രമാണ് നിഷാദ് എന്നെ ബന്ധപ്പെട്ടിട്ടുള്ളത്.
ക്രിക്കറ്റ് ടൂർണമെന്‍റിന്‍റെ പരസ്യ ആവശ്യത്തിനായി ഒരിക്കലും, പിന്നീട് സിനിമാ ആവശ്യവുമായും. നിഷാദിനെതിരേ ആരോപണങ്ങളുള്ള വിവരമൊന്നും എനിക്ക് അറിയില്ല.
നിഷാദിന്‍റെ അക്കൗണ്ടുകൾ പരിശോധിച്ചാണ് ഇഡി എന്‍റെ സിനിമാ കമ്പനിയിൽ എത്തിയത്. എന്‍റെ പിതാവാണ് കാര്യങ്ങൾ നോക്കുന്നത്.
പുതിയ ചിത്രമായ മേപ്പടിയാന്‍റെ പ്രചരണവുമായി ബന്ധപ്പെട്ട് ഞാൻ സ്ഥലത്തുണ്ടായിരുന്നില്ല. തിരിച്ചെത്തുമ്പോഴേക്കും ഇഡി ഉദ്യോഗസ്ഥർ പരിശോധന പൂർത്തിയാക്കിയിരുന്നു.
കാര്യങ്ങൾ വിശദീകരിച്ചപ്പോൾ അവർക്ക് ബോധ്യം വന്നിട്ടുണ്ട്. നിഷാദിന് പണം തിരികെ കൊടുക്കുമ്പോൾ ഇഡിയുടെ നടപടിക്രമങ്ങൾ പാലിക്കണമെന്ന നിർദേശം തന്നിട്ടുണ്ട്.
-ഉണ്ണി മുകുന്ദൻ
