വെെറൽ കാലഘട്ടമാണിത്. എന്ത് എങ്ങനെ വെെറലാകാമെന്ന് നോക്കി നടക്കുകയാണ് ആളുകൾ. ഇന്നത്തെ കാലത്ത് ഫോട്ടോ ഷൂട്ടുകളിലൂടെ വെെറലാകുന്ന ആളുകൾ കുറവല്ല.
അത്തരത്തിൽ ഒരു ഫോട്ടോഷൂട്ട് ആണിപ്പോൾ ചർച്ച ആകുന്നത്. കല്യാണ ഫോട്ടോ എടുക്കുന്നതിനായി പല വെറെെറ്റി പോസുകളും ചെയ്യാറുണ്ട്.
വളരെ മനോഹരമായ സീനറി ബാക്ഗ്രൗണ്ട് വരുന്ന രീതിയിൽ ഫോട്ടോ എടുക്കാനാകും നമ്മൾ ശ്രമിക്കുന്നത്. എന്നാൽ അതിനു വിഭിന്നമായി കല്യാണ ഫോട്ടോ എടുത്ത സ്ഥലമാണ് ചർച്ച ആകുന്നത്.
തായ്വാനിലെ ഗ്രീൻപീസ് പ്രചാരകയായ ഐറിസ് ഹ്സൂഹും അവളുടെ പ്രതിശ്രുതവരനും അവരുടെ വിവാഹത്തിന് മുന്നോടിയായി ഫോട്ടോ എടുക്കുന്നതിനായി തെരഞ്ഞെടുത്ത സ്ഥലം ഒരു മാലിന്യ കൂമ്പാരമാണ്.
അടുത്ത വർഷം ആദ്യമാസമാണ് ഇരുവരുടേയും പരിസ്ഥിതി സൗഹാർദ്ദപരമായ വിവാഹ ആഘോഷം നടത്താൻ തീരുമാനിച്ചിരുന്നത്.
തങ്ങളുടെ വിവാഹത്തിനു ക്ഷണിക്കുന്ന അതിഥികൾക്ക് പരിസ്ഥിതിയെ നശിപ്പിക്കരുതെന്ന ബോധമുണ്ടാവാൻ വേണ്ടിയാണ് ഇത്തരത്തിലൊരു ഫോട്ടോഷൂട്ട് ചെയ്യാൻ ചെയ്യാൻ ഇവർ തീരുമാനിച്ചത്.