ഷോപ്പിംഗിന് പോകാൻ ഇഷ്ടമില്ലാത്ത സ്ത്രീകൾ വളരെ വിരളമായിരിക്കും. ഒട്ടും തിരക്ക് പിടിക്കാതെ വളരെ ശാന്തമായി സമയമെടുത്ത് ഷോപ്പിംഗ് നടത്താനാണ് സ്ത്രീകൾക്ക് പൊതുവെ താൽപര്യം. എന്നാൽ ഇതിൽ നിന്നും തീർത്തും വ്യത്യസ്തമായാണ് സോഷ്യൽ മീഡിയയിൽ വൈറലാകുന്ന ഒരു ചിത്രത്തിൽ യുവതി ഷോപ്പിംഗ് നടത്തുന്നത്.
എന്താണ് ഇൻ്റർനെറ്റിൽ ആ ചിത്രം വൈറലാവാൻ കാരണം എന്ന് ചോദിച്ചാൽ, യുവതി ഷോപ്പിംഗിനിടയിൽ ഓഫീസ് മീറ്റിംഗിലും പങ്കെടുക്കുകയാണ്. അവർ ഒരു കൈയിൽ ചെരിപ്പും മറ്റൊരു കൈയിൽ അവളുടെ ലാപ്‌ടോപ്പും പിടിച്ചിട്ടുണ്ട്.
ഈ മൾട്ടി ടാസ്‌കിംഗ് നടത്തുന്ന യുവതിയുടെ ചിത്രം കാർത്തിക് എന്ന വ്യക്തിയാണ് സോഷ്യൽ മീഡിയയിൽ പങ്കുവെച്ചത്. ഐടി നഗരത്തെ സംബന്ധിച്ചിടത്തോളം ഈ സംഭവം വളരെ പ്രധാനപ്പെട്ട ഒന്നാണെന്ന് അദ്ദേഹം വിശേഷിപ്പിച്ചു.
പല തൊഴിലാളികളും വർക്ക് ഫ്രം എടുത്ത് അലസമായി പണിയെടുക്കുന്നു എന്ന അപവാദത്തിന് ഈ സംഭവം ഒരു തിരിച്ചടിയായി. യുവതി ഷോപ്പിംഗ് നടത്തുന്ന ചിത്രം വൈറലാകുകയും ഓൺലൈനിൽ ചർച്ചയാവുകയും ചെയ്തു.
