കൊച്ചി: തന്റെ സുഹൃത്തിന്റെ മകന് നടന് മമ്മൂട്ടിയെ കാണാനുള്ള ആഗ്രഹം പാട്രിയോട്ട് സിനിമയുടെ ലൊക്കേഷനില് വെച്ച് സാധിച്ചുകൊടുത്ത അനുഭവം പങ്കിട്ട് സോഷ്യല് മീഡിയയില് പങ്കുവച്ച് നടന് രമേഷ് പിഷാരടി.
‘ചിലപ്പൊ ബിരിയാണി കിട്ടിയാലോ! സുഹൃത്തും സാരഥിയുമായ സിത്തുവിന്റെ മകന് മമ്മൂക്കയെ കാണണം. പാട്രിയോട്ട് പോലെ വലിയ ഒരു ലൊക്കേഷന്. കോസ്റ്റ്യുമിലോ, ഗെറ്റപ്പിലോ ഒക്കെയാണെങ്കില് അത് സാധിക്കുക എളുപ്പമല്ല. ‘എന്നാലും വാ ചിലപ്പോ ബിരിയാണി കിട്ടിയാലോ!’. എന്റെ ആ ഡയലോഗ് അറംപറ്റി. ബിരിയാണി കിട്ടി.’ – എന്നിങ്ങനെയാണ് രമേഷ് പിഷാരടിയുടെ വാക്കുകള്.
രമേഷ് നാരായണന് സംവിധാനം ചെയ്യുന്ന ചിത്രമാണ് പാട്രിയോട്ട്. ഒരിടവേളയ്ക്ക് ശേഷം മമ്മൂട്ടിയും മോഹന്ലാലും ഒന്നിച്ചഭിനയിക്കുന്നുവെന്നതാണ് സിനിമയുടെ ഏറ്റവും വലിയ ഹൈലൈറ്റ്.
