തിരുവനന്തപുരം: കെ. എസ്. ശബരീനാഥന്റെ പ്രസ്താവന വസ്തുതാവിരുദ്ധമെന്ന് വട്ടിയൂർക്കാവ് എംഎൽഎ വി.കെ. പ്രശാന്ത് പറഞ്ഞു. കേരളത്തിലെ 140 എംഎൽഎമാർക്കും എംഎൽഎ ഹോസ്റ്റലിൽ മുറികളുണ്ട്.അതു നിയമസഭ ചേരുന്പോൾ എംഎൽഎമാർക്കു വിശ്രമിക്കുന്നതിനു വേണ്ടിയുള്ളതാണ്. താൻ ശാസ്തമംഗലത്ത് കോർപറേഷൻ കെട്ടിടത്തിൽ ഓഫീസ് തുറന്നിട്ട് ഏഴു വർഷം പിന്നിട്ടു. അന്നൊന്നും ശബരീനാഥൻ ഇതു സംബന്ധിച്ച് അഭിപ്രായമൊന്നും പറഞ്ഞിട്ടില്ല.
വട്ടിയൂർക്കാവ് നിയോജക മണ്ഡലത്തിലെ 26 വാർഡിന്റെ ഹൃദയഭാഗമാണ് ശാസ്തമംഗലം. ജനങ്ങൾക്കു തന്നെ വന്നു കണ്ട് ആവശ്യങ്ങൾ അറിയിക്കുന്നതിനാണ് അവിടെ ഓഫീസ് തുറന്നത്. നഗരസഭ കൗൺസിലിന്റെ അനുമതിയോടെയാണ് വാടകയ്ക്കു പ്രവർത്തിക്കുന്നത്.
ബിജെപിക്കില്ലാത്ത വലിയ അസ്വസ്ഥതയാണു ശബരീനാഥനുള്ളത്. ബിജെപിയുടെ ബുൾഡോസർരാജിനു കോൺഗ്രസ് ഒത്താശ ചെയ്യുന്നതിന്റെ ഉദാഹരണമാണ് ശബരിയുടെ പ്രസ്താവനയിലൂടെ പുറത്തുവരുന്നത്- കെ. എസ്. പ്രശാന്ത് പറഞ്ഞു.
