പല തരത്തിലിലുള്ള ആളുകളെ നാം ദിവസവും കണ്ടുമുട്ടാറുണ്ട്. ജോലി സ്ഥലത്തും സ്കൂളിലും കോളജിലുമൊക്കെ വിവിധ സ്വഭാവമുള്ളവരായിരിക്കും നമ്മുടെ കൂടെ ഉണ്ടായിരിക്കുന്നത്. എല്ലാവരേയും തൃപ്തിപ്പെടുത്തി മുന്നോട്ട് പോകാൻ ബുദ്ധിമുട്ടാണ്. എന്നാൽ മണ്ടനെപ്പോലെ അഭിനയിച്ച് എല്ലാവരേയുംപറ്റിക്കാനും വേണം ഒരു റേഞ്ച്. അത്തരത്തിലൊരു യുവാവിന്റെ പോസ്റ്റ് ആണിപ്പോൾ സോഷ്യൽ മീഡിയയിൽ വൈറലാകുന്നത്.
ജോലി സ്ഥലത്ത് താൻ മണ്ടനെപ്പോലെ അഭിനയിച്ചുകൊണ്ടിരിക്കുന്നു എന്നാണ് യുവാവ് പോസ്റ്റിൽ പറയുന്നത്. അങ്ങനെ ചെയ്താൽ നിരവധി ഗുണങ്ങളുണ്ടെന്നും ഇയാൾ പറയുന്നു. @TheArnabSaha എന്ന യൂസറാണ് സോഷ്യൽ മീഡിയയിൽ പോസ്റ്റ് ഷെയർ ചെയ്തിരിക്കുന്നത്.
ജോലിസ്ഥലത്ത് യുവാവ് ചെയ്യുന്നത് ഇവയൊക്കെയാണ്…
- ഞാൻ ഒരു മണ്ടനെപ്പോലെ പെരുമാറും.
- ഞാൻ രോഗിയാണെന്ന് തോന്നിപ്പിക്കുന്ന തരത്തിലുള്ള വസ്ത്രങ്ങളാണ് ധരിക്കാറ്.
- ഞാൻ എപ്പോഴും രോഗിയാണെന്ന് നടിക്കും.
- ആരെങ്കിലും എന്നോട് സംസാരിക്കാൻ ശ്രമിക്കുമ്പോഴെല്ലാം, കുടുംബത്തിലെ ഉത്തരവാദിത്വങ്ങൾ, ലോൺ ഇഎംഐ, തുടങ്ങിയ കാര്യങ്ങളാകും സംസാര വിഷയമായി എടുത്തിടുന്നത്.
ഇങ്ങനെ ചെയ്യുന്നതു മൂലമുള്ള ഗുണങ്ങളെ കുറിച്ചും യുവാവ് പറയുന്നുണ്ട്.
- അവർക്ക് എന്നോട് സഹതാപം തോന്നുന്നു
- നല്ല ഭക്ഷണം കഴിക്ക്, ജിമ്മിൽ പോകാൻ ശ്രമിക്കൂ തുടങ്ങിയ ഉപദേശങ്ങൾ അപ്പോൾ അവർ എനിക്ക് തരുന്നു.
- മറ്റുള്ളവരെ അപേക്ഷിച്ച് എനിക്ക് കുറച്ച് ജോലി മാത്രമേ തരികയുള്ളൂ.
- എന്നിലുള്ള പ്രതീക്ഷകളും വളരെ കുറവാണ്.
- പക്ഷേ, എന്നെ ഏൽപ്പിച്ച എല്ലാ ജോലികളും ഞാൻ പൂർത്തിയാക്കും (അതിനാൽ തന്നെ വളരെ മോശം അവസ്ഥയിലാണെങ്കിലും ഇപ്പോഴും വളരെ ഉത്തരവാദിത്വമുള്ളവനാണല്ലോ ഇവൻ എന്ന് എന്നെ കുറിച്ച് അവർക്ക് തോന്നുന്നു) എന്നാണ് യുവാവ് കുറിച്ചിരിക്കുന്നത്.
പോസ്റ്റ് വൈറലായതോടെ മിക്കവും ഇയാളെ വിമർശിച്ച് രംഗത്തെത്തി. ഇത്തരത്തിൽ പെരുമാറുന്നതു മൂലം നിങ്ങൾക്ക് എന്ത് ഗുണമാണ് ലഭിക്കുന്നത്. വെറും ഭീരു ആയതിനാലാണ് നിങ്ങൾ ഇങ്ങനെ ചെയ്യുന്നത് എന്ന് മിക്കവരും പറഞ്ഞു.
