കഴിഞ്ഞ കുറച്ച് ദിവസങ്ങളായി ട്രെയിനിലെ ഭക്ഷണത്തിന്റേയും വൃത്തിയുടേയുമൊക്കെ വീഡിയോ ആണ് സോഷ്യൽ മീഡിയയിൽ ചർച്ച. ട്രെയിനിലെ നെഗറ്റീവ് വാർത്തകൾക്കിടയിൽ നിന്നും മറ്റൊരു പോസിറ്റീവ് വാർത്തയാണ് ഇപ്പോൾ വരുന്നത്. വളകാപ്പ് അഥവാ ബേബി ഷവർ നടത്തുന്നത് ഇപ്പോൾ കുറച്ച് കാലങ്ങളായി ട്രെൻഡ് ആണ്. മുംബൈ ലോക്കലിൽ സഹയാത്രികരായ കുറേ നല്ല മനുഷ്യർ തങ്ങളുടെ കൂടെ എന്നും യാത്ര ചെയ്യുന്ന ഗർഭിണിയായ കൂട്ടുകാരിക്ക് ബേബി ഷവർ നടത്തി. ഇതിന്റെ വീഡിയോ സോഷഅയൽ മീഡിയയിൽ ഇപ്പോൾ തരംഗമായി മാറി.
എന്നും യാത്ര ചെയ്യുന്ന മിനികോച്ച് പിങ്കും വെളുപ്പും കലർന്ന ബലൂണുകളാൽ അലങ്കരിക്കപ്പെട്ടു. അമ്മയാകാൻ പോകുന്ന സഹയാത്രക്കാരിക്ക് കൂട്ടുകാർ അതിമനോഹരമായ ബേബി ഷവർ നടത്തി. മോം ടു ബി എന്നെഴുതിയ ചാർട്ട് അവളെ ധരിപ്പിച്ചു. യാത്രക്കാരിൽ ചിലർ ചന്ദനവും സിന്ദൂരവും നെറ്റിയിൽ തൊട്ടു കൊടുത്തു. പലരും അനുഗ്രഹ വാഴ്ത്തുകളാൽ അവൾക്കരികിലെത്തി.
സംഭവത്തിന്റെ വീഡിയോ വൈറലായതോടെ നിരവധി ആളുകളാണ് കമന്റുമായി എത്തിയത്. ഇത് മുംബൈ ലോക്കലിൽ മാത്രം കാണാനിടയാകുന്ന കാര്യമാണ്. യാത്രകളിൽ മാത്രം കണ്ടുമുട്ടുന്ന ആളുകൾ ചിലപ്പോൾ നമ്മുടെ മനസും കീഴടക്കാറുണ്ട്. അതിനുത്തമ ഉദാഹരണമാണ് ഈ വീഡിയോ എന്ന് പലരും കുറിച്ചു.
