പഴയ ഗാനങ്ങളും സീനുകളും റീക്രിയേറ്റ് ചെയ്യുമ്പോൾ ശ്രദ്ധിക്കേണ്ടതുണ്ട്. പഴയ പടങ്ങളെ പരിഹസിക്കുന്ന രീതിയിൽ ചെയ്യരുത്. എന്റെ പാട്ട് റീക്രിയേറ്റ് ചെയ്യണമെങ്കിൽ ചെയ്തോളൂ, കടൽക്കരയിലിരുന്ന് ഒരു നടൻ പാടുന്ന ഒരു പാട്ടുണ്ട്. എത്ര വലിയ ഹിറ്റ് പാട്ടാണത്. ആ മനുഷ്യനെ പരിഹസിച്ചാണ് റീക്രിയേറ്റ് ചെയ്തിരിക്കുന്നത്. അങ്ങനെ ചെയ്യരുത്.
നിങ്ങൾ ഒരാളെ പരിഹസിക്കുമ്പോൾ പിന്നീട് രണ്ടുപേർ നിങ്ങളെയും പരിഹസിക്കും. അഭിനയിക്കാൻ ആഗ്രഹമുണ്ടെങ്കിൽ ചെയ്തോളൂ. നല്ല രീതിയിൽ ചെയ്യൂ. മറ്റൊരാളെ കരയിച്ച് ചെയ്യരുത്. എന്റെ സീനുകൾ റീക്രിയേറ്റ് ചെയ്യുന്നത് കാണുന്നത് ഇഷ്ടമാണ്. പക്ഷെ പരിഹസിക്കരുത്. അഞ്ചാറ് മാസങ്ങൾക്ക് മുമ്പ് നടന്ന ഒരു ടെലിവിഷൻ ഷോ. അതിൽ അഭിനയിക്കാൻ വന്ന കോമഡി ആർട്ടിസ്റ്റ് എന്നെ പരിഹസിച്ച് സംസാരിച്ചു.
ആ ഷോയിൽ എന്റെ സഹോദരിയുമുണ്ടായിരുന്നു. അവർ വിചാരിച്ചത് അത് കോമഡിയാണെന്നാണ്. എന്നാൽ, കോമഡിയല്ല. അത് അപമാനമാണ്. ഇങ്ങനെയൊന്നും പറയരുതെന്ന് ഞാൻ പിന്നീടവരോട് പറഞ്ഞു. ഞാനവിടെ ഉണ്ടായിരുന്നെങ്കിൽ അപ്പോൾ തന്നെ പറഞ്ഞേനെ. ആരെയും ഞാൻ പരിഹസിക്കാറില്ല. അത് പോലെ എന്നെയും പരിഹസിക്കരുത്. -അംബിക
