പൂച്ചാക്കൽ: പ്രായപൂർത്തിയാകാത്ത പെൺകുട്ടിയോട് അപമര്യാദയായി പെരുമാറിയ കേസിൽ പ്രതിയെ അറസ്റ്റ് ചെയ്തു. പൂച്ചാക്കൽ പോലീസ് രജിസ്റ്റർ ചെയ്ത കേസിലാണ് പ്രതിയെ അറസ്റ്റ് ചെയ്തത്. കഴിഞ്ഞവർഷമാണ് കേസിനാസ്പദമായ സംഭവം നടന്നത്.
സംഭവത്തിനുശേഷം തമിഴ്നാട്ടിലും മറ്റുമായി ദീർഘ നാളായി ഒളിവിൽ കഴിഞ്ഞുവന്നിരുന്ന അരൂർ പഞ്ചായത്ത് പന്ത്രണ്ടാം വാർഡിൽ മുഹമ്മദാലി മൻസിലിൽ അബ്ദുൾ റസാക്കി(46)നെയാണ് ഇന്നലെ എറണാകുളം നോർത്ത് റയിൽവേ സ്റ്റേഷനിൽ വച്ച് അറസ്റ്റ് ചെയ്തത്.
ചേർത്തല ഡിവൈഎസ്പിയുടെ നിർദേശാനുസരണം പൂച്ചാക്കൽ പോലീസ് സ്റ്റേഷൻ ഇൻസ്പെക്ടർ ഷെഫീക്കിന്റെ നേതൃത്വത്തിൽ എസ്ഐ വീനസ്, സബ് ഡിവിഷൻ സ്ക്വാഡ് അംഗങ്ങളായ പ്രവീഷ്, ഗിരീഷ്, അരുൺ കുമാർ എന്നിവർ ചേർന്നാണ് പ്രതിയെ അറസ്റ്റ് ചെയ്തത്. ചേർത്തല കോടതിയിൽ ഹാജരാക്കിയ പ്രതിയെ കോടതി റിമാൻഡ് ചെയ്തു.
