ഇസ്രായേല്- ഇറാന് സംഘര്ഷത്തെത്തുടര്ന്ന് കുവൈറ്റില് കുടുങ്ങിയ ബോളിവുഡ് താരം ഉര്വശി റൗട്ടേല ഇന്ത്യയിലേക്ക് വിമാനം കയറുമ്പോള് തന്റെ മാനസികാവസ്ഥ വിശദീകരിച്ചുകൊണ്ട് ഇന്സ്റ്റഗ്രാമില് പങ്കുവച്ച വൈകാരിക കുറിപ്പ് വൈറലാകുന്നു.
ഞാന് വിമാനത്തില് കയറിയ നിമിഷം വരെ എനിക്ക് പൂര്ണമായും സുഖമായിരുന്നു. പക്ഷേ , സീറ്റില് ഇരുന്ന ഉടനെ പെട്ടെന്ന് ഈ ഭയം എന്നെ കീഴടക്കി. എന്റെ ഹൃദയം മിടിക്കാന് തുടങ്ങി. എന്തുകൊണ്ടാണെന്ന് എനിക്കറിയില്ല, പക്ഷേ, പെട്ടെന്ന് എനിക്ക് ഭയം തോന്നിത്തുടങ്ങി. ഇപ്പോള് എനിക്ക് അല്പം ദുര്ബലതയും ഉത്കണ്ഠയും തോന്നുന്നു.
നിങ്ങളുടെ പ്രാര്ഥനകള് എനിക്ക് ശരിക്കും ആവശ്യമാണ്. സുരക്ഷിതമായ യാത്രയ്ക്കായി ദയവായി എന്നെ നിങ്ങളുടെ ചിന്തകളില് ഉള്പ്പെടുത്തുക. അത് എനിക്ക് വളരെയധികം ആശ്വാസമാകും. ഇത് വൈകാരികമായി തോന്നുന്നുണ്ടെങ്കില് അല്ലെങ്കില് ഞാന് നിങ്ങളെ ഏതെങ്കിലും വിധത്തില് വിഷമിപ്പിച്ചിട്ടുണ്ടെങ്കില് ക്ഷമിക്കണം.
എനിക്ക് എങ്ങനെ തോന്നുന്നുവെന്ന് പങ്കുവയ്ക്കണമെന്നു തോന്നി. നിങ്ങളുടെ പ്രാര്ഥനകളും പിന്തുണയുമാണ് ഇപ്പോള് എനിക്ക് ലോകം മുഴുവന് അര്ഥമാക്കുന്നത്- ഉര്വശി ഇന്സ്റ്റഗ്രാം സ്റ്റോറിയില് കുറിച്ചു. കുവൈറ്റില് നിന്നു താരം മുംബൈയില് സുരക്ഷിതമായി എത്തിയെന്നാണു റിപ്പോട്ടുകൾ.
