ചെറുതോണി: വാട്സ് ആപ്പ് ഗ്രൂപ്പിലെ വാക്കുതർക്കത്തിനൊടുവിൽ ക്ഷേത്രം പ്രസിഡന്റിന് കുത്തേറ്റു. കഞ്ഞിക്കുഴി പഞ്ചായത്തിലെ പഴയരിക്കണ്ടം ശ്രീ മഹാദേവക്ഷേത്രം പ്രസിഡന്റ് കറിക്കല്ലിൽ രവീന്ദ്രനാണ് കുത്തേറ്റത്. വയറിന് കുത്തേറ്റ ഇയാൾ ഇടുക്കി മെഡിക്കൽ കോളജ് ആശുപത്രിയിലെ തീവ്രപരിചരണ വിഭാഗത്തിൽ ചികിത്സയിലാണ്.
പിഡബ്ല്യുഡി ഉദ്യോഗസ്ഥനായ ക്ഷേത്രം ഭാരവാഹി പഴയരിക്കണ്ടം അള്ളുംപുറത്ത് അനൂപാണ് പ്രസിഡന്റിനെ കുത്തിയത്. സംഭവശേഷം ഇയാൾ ഒളിവിൽ പോയി.ഇന്നലെ രാവിലെ പത്തിന് ക്ഷേത്രം പരിസരത്താണ് സംഭവമുണ്ടായത്. കഞ്ഞിക്കുഴി പോലീസ് കേസെടുത്ത് അന്വേഷണം ആരംഭിച്ചു.
