കോൺഗ്രസ് എംപി ശശി തരൂർ തന്റെ വീട്ടിലെ ഓഫീസിൽ നിന്നും പകർത്തിയ രസകരമായ വീഡിയോയാണ് ആളുകളുടെ ശ്രദ്ധയാകർക്ഷിച്ചിരിക്കുന്നത്. അദേഹത്തിന്റെ വീട്ടുവളപ്പിലെ ക്ഷേത്രത്തിൽ അതിഥിയായെത്തിയ മനോഹരമായ ഒരു മയിലിനെയാണ് വീഡിയോയിൽ കാണുന്നത്.
ഇതിനെക്കുറിച്ച് തരൂർ തമാശരൂപേണ പറഞ്ഞത് ഇങ്ങനെയായിരുന്നു: “ഇവൻ വളരെ സുന്ദരനായ ഒരു മയിലാണ്, തീർച്ചയായും ഒരു ശിവഭക്തനുമാണ്. അവൻ നേരെ മന്ദിറിലേക്കാണ് പോയത്.
ഈ സുന്ദരനായ കൂട്ടുകാരനുമായി ഞാൻ മാച്ച് ആയിരിക്കുന്നു” എന്ന അടിക്കുറിപ്പോടെയാണ് അദ്ദേഹം വീഡിയോ പങ്കുവെച്ചത്.
ഇന്ത്യയുടെ ദേശീയ പക്ഷിയായ മയിലിന്റെ വർണ്ണാഭമായ നീല നിറത്തോട് സാമ്യമുള്ള വസ്ത്രമാണ് തരൂർ ധരിച്ചിരുന്നത് എന്നതിനാൽ അദ്ദേഹം ഇതിനെ ട്വിന്നിംഗ് എന്ന് വിശേഷിപ്പിച്ചു. തിരുവനന്തപുരം എംപി തന്റെ അതിഥിക്ക് കൈവീശി യാത്രയയപ്പ് നൽകുന്ന ദൃശ്യത്തോടെയാണ് ഈ വീഡിയോ അവസാനിക്കുന്നത്.
സോഷ്യൽ മീഡിയയിൽ തരംഗമായ ഈ റീൽ വൺ മില്ല്യൺ വ്യൂസും അൻപതിനായിരത്തോളം ലൈക്കുകളും നേടി. കമന്റ് ബോക്സിൽ പ്രശംസകളുടെ പ്രവാഹമായിരുന്നു. ചിലർ ഈ നിമിഷത്തെ മനോഹരവും ആകർഷകവും എന്ന് വിശേഷിപ്പിച്ചപ്പോൾ, മറ്റു ചിലർ അദ്ദേഹത്തെ നേരിട്ട് കാണാൻ അനുവാദം ചോദിച്ചുകൊണ്ടുള്ള കമന്റുകളാണ് പങ്കുവെച്ചത്.
