കാഞ്ഞിരപ്പള്ളി: പട്ടിമറ്റത്ത് റേഷൻകടയിൽനിന്ന് മൂർഖൻപാമ്പിനെ പിടികൂടി. ഷീനാ അഷ്റഫിന്റെ ലൈസൻസിയിലുള്ള എആർഡി പത്താം നമ്പർ റേഷൻ കടയിൽനിന്നാണ് മൂർഖൻ പാമ്പിനെ പിടികൂടിയത്. അരി ഇരുന്ന ചാക്കിനടിയിലേക്ക് പാമ്പ് ഇഴഞ്ഞുകയറുന്നത് ഷീനയാണ് ആദ്യം കണ്ടത്.
പിന്നീട് മകൻ അൽത്താഫ് എത്തി ചാക്ക് മാറ്റിയപ്പോൾ ഇതിനടിയിൽ പാമ്പിനെ കണ്ടെത്തുകയായിരുന്നു. വനപാലകരെത്തിയാണ് പാമ്പിനെ പിടികൂടിയത്. പാമ്പിനെ പിടികൂടുന്നത് വരെ റേഷൻ കടയുടെ പ്രവർത്തനം തടസപ്പെട്ടു.
