എടത്വ: ലോക സര്പ്പദിനത്തില് മൂന്നു ദിവസമായി മീന്കൂട്ടില് അകപ്പെട്ട മൂര്ഖന് പാമ്പിനെ രക്ഷപ്പെടുത്തി.
തലവടി രണ്ടാം വാര്ഡില് കാരിക്കുഴി മാമൂട്ടില് വീടിനു സമീപത്തെ മീന്കൂട്ടില് അകപ്പെട്ട മൂര്ഖന് പാമ്പിനെയാണ് സ്നേക്ക് റെസ്ക്യൂ പ്രവര്ത്തകൻ ചാര്ളി വര്ഗീസ് സുരക്ഷിതമായി രക്ഷപ്പെടുത്തിയത്.
മൂര്ഖന്പാമ്പ് കൂട്ടില് കുടുങ്ങിക്കിടക്കുന്നത് ശ്രദ്ധയില്പ്പെട്ട പ്രദേശവാസികള് പലരെയും ബന്ധപ്പെട്ടെങ്കിലും സഹായം ലഭിക്കാത്തതിനാല് അജിത് പിഷാരത്തിനെ അറിയിക്കുകയും അദ്ദേഹത്തിന്റെ നിര്ദേശപ്രകാരം സ്ഥലത്തെത്തിയ സ്നേക്ക് റെസ്ക്യൂ പ്രവര്ത്തകൻ ചാര്ളി വര്ഗീസ് പാമ്പിനെ പിടികൂടുകയുമായിരുന്നു. പാമ്പിനെ പിന്നീട് വനം വകുപ്പിന് കൈമാറി.
