കരിയറിലെ ആദ്യ 200 കോടി നേടി നിവിൻ പോളി. ഗിരീഷ് എ.ഡി. ചിത്രം ബെത്ലഹേം കുടുംബയൂണിറ്റ് ഏകദേശം 203 കോടിയാണ് ഇതുവരെ നേടിയത്. മലയാളത്തിൽ 200 കോടി ക്ലബ്ബിൽ ഇടംനേടുന്ന ഏഴാമത്തെ സിനിമ കൂടിയാണിത്. കേരളത്തിലും ഓവർസീസിലും ഗംഭീര പ്രതികരണമാണ് ഇപ്പോഴും സിനിമയ്ക്കു ലഭിക്കുന്നത്.
‘മഞ്ഞുമ്മൽ ബോയ്സ്’, ‘എമ്പുരാൻ’, ‘ലോക’, ‘വാഴ 2’, ‘തുടരും’, ‘ദൃശ്യം 3’ എന്നിവയാണ് 200 കോടി ക്ലബ്ബിൽ ഇടംനേടിയ മറ്റ് മലയാള സിനിമകൾ. കഴിഞ്ഞ രണ്ട് സിനിമകളിൽ നിന്നായി ഏകദേശം 350 കോടിയാണ് നിവിൻ പോളി ബോക്സ്ഓഫിസിൽ നിന്നും വാരിയത്.നായികയായ മമിത ബൈജുവിനും ഇത് അപൂർവ റിക്കാർഡ് ആണ്. തുടർച്ചയായി മൂന്ന് സിനിമകളാണ് നടിയുടേതായി 200 കോടിയിലെത്തുന്നത്.
വിജയ് നായകനായ ‘ജനനായകൻ’, സൂര്യയുടെ ‘വിശ്വനാഥ് ആൻഡ് സൺസ്’ എന്നീ സിനിമകൾക്കുശേഷം 200 കോടിയിലെത്തുന്ന മമിതയുടെ മൂന്നാമത്തെ സിനിമയാണ് ‘ബെത്ലഹേം കുടുംബ യൂണിറ്റ്’.
അതിവേഗം 200 കോടി നേടുന്ന മലയാള സിനിമകളിൽ ‘ലോക’യെ വെട്ടി ‘ബെത്ലഹേം’ മൂന്നാമതെത്തി. 13 ദിവസംകൊണ്ടാണ് ലോകയുടെ നേട്ടമെങ്കിൽ 11 ദിവസം കൊണ്ട് ബെത്ലഹേം 200 കോടിയിലെത്തി. അഞ്ച് ദിവസം കൊണ്ട് ഈ നേട്ടം കൈവരിച്ച ‘എമ്പുരാൻ’ ആണ് ഒന്നാമത്. ഒൻപത് ദിവസം കൊണ്ട് 200 കോടി ക്ലബിലെത്തിയ ദൃശ്യം 3 ആണ് രണ്ടാം സ്ഥാനത്ത്.
