Set us Home Page

സിഗരറ്റിനേക്കാള്‍ അപകടകരം ഈ അഗര്‍ബത്തികള്‍! സൗത്ത് ചൈന യൂണിവേഴ്‌സിറ്റി ഓഫ് ടെക്‌നോളജി നടത്തിയ പഠത്തില്‍ തെളിഞ്ഞതിതൊക്കെ; ശ്രദ്ധിക്കേണ്ട കാര്യങ്ങള്‍

പല മതസ്ഥരുടെയും ആരാധനകളിലും ആചാരങ്ങളിലും ഒഴിച്ചു കൂടാന്‍ പറ്റാത്ത സ്ഥാനമാണ് അഗര്‍ബത്തികള്‍ക്കുള്ളത്. സുഗന്ധം പരക്കുമ്പോള്‍ തന്നെ ഒരുതരം ആത്മീയാനുഭൂതി അനുഭവപ്പെടുകയും ഉണര്‍വും ഉന്മേഷവും പരിസരങ്ങളില്‍ പോലും പടരുകയും ചെയ്യും.

ആത്മീയമായി സമാധാനവും അഭിവൃദ്ധിയും അതിലൂടെ കൈവരിക്കാന്‍ കഴിയുന്നു എന്നും വിശ്വാസിക്കുന്നവരുണ്ട്. എന്നാല്‍ അഗര്‍ബത്തികളെ സംബന്ധിച്ചുള്ള പുതിയ പഠനം പറയുന്നത് അത്ര സുഖകരമായ കാര്യമല്ല.

അഗര്‍ബത്തികളില്‍ നിന്നും പുറത്ത് വരുന്ന പുക കാന്‍സറിന് കാരണമാവുന്നുവെന്നാണ് സൗത്ത് ചൈന യൂണിവേഴ്‌സിറ്റി ഓഫ് ടെക്‌നോളജി ശാസ്ത്രഞ്ജര്‍ നടത്തിയ പഠനം തെളിയിക്കുന്നത്. അതിശയമെന്തെന്നാല്‍, സിഗരറ്റിനെക്കാളും ഹാനികരമാണ് അഗര്‍ബത്തികള്‍ എന്നതാണ്. ഇവയില്‍ നിന്നും പുറത്ത് വരുന്ന പുകയിലുള്ള ചെറു കണികകള്‍ അന്തരീക്ഷത്തില്‍ വ്യാപിക്കുകയും ആളുകള്‍ അത് ശ്വസിക്കുക വഴി ശ്വാസകോശത്തില്‍ തങ്ങി നില്‍ക്കുകയും ഗുരുതര ആരോഗ്യ പ്രശ്‌നങ്ങളുണ്ടാക്കുകയും ചെയ്യുന്നു എന്നാണ് വ്യക്തമായിരിക്കുന്നത്. ഇവയുടെ സുഗന്ധത്തിനായി ഉപയോഗിക്കുന്ന രാസവസ്തുക്കളും അതുപോലെ തന്നെ അപകടകരമാണത്രേ.

ഇതിന് പരിഹാരവും അവര്‍ നിര്‍ദേശിക്കുന്നുണ്ട്. ഒന്നാമതായി ഒന്നിലധികം അഗര്‍ബത്തികള്‍ ഒരു സമയം കത്തിക്കാതിരിക്കുക. അതുപോലെ തന്നെ കുട്ടികളില്‍ നിന്ന് ഇത് അകറ്റി സൂക്ഷിക്കുക. വെന്റിലേഷന്‍ ഉള്ള സ്ഥലങ്ങളില്‍ മാത്രം അത്യാവശ്യ കാര്യങ്ങള്‍ക്ക് കത്തിക്കുക. ശ്വസനത്തില്‍ ബുദ്ധിമുട്ടുള്ളവര്‍ അഗര്‍ബത്തികളുടെ പുക ശ്വസിക്കുകയുമരുത്.

രാഷ്ട്രദീപിക വാര്‍ത്തകള്‍ ഫേസ്ബുക്കില്‍ പിന്തുടരാന്‍ ഞങ്ങളുടെ പേജ് ലൈക്ക് ചെയ്യൂ...

https://www.facebook.com/RashtraDeepika/

LATEST NEWS