മാഡ്രിഡ്: മാഡ്രിഡ് ഓപ്പണ് വനിതാ സിംഗിൾസ് ടെന്നീസിൽ വന്പൻ അട്ടിമറി. നാലാം റൗണ്ടിൽ ഓസ്ട്രേലിയൻ ഓപ്പണ് ചാന്പ്യൻ എലീന റബാക്കിന ഞെട്ടിക്കുന്ന തോൽവി ഏറ്റുവാങ്ങി. 56-ാം റാങ്ക് താരം അനസ്താസിയ പൊട്ടപ്പോവ 7-6 (10/8), 6-4 സ്കോറിന് റബാക്കിനയെ അട്ടിമറിച്ചു.
മൂന്നാം സീഡ് കൊക്കോ ഗൗഫും അട്ടിമറിക്കിരയായി പുറത്തായി. മൂന്ന് സെറ്റ് നീണ്ട പോരാട്ടത്തിൽ ലിൻഡ നോസ്കോവ 6-4, 1-6, 7-5(7-5) സ്കോറിന് ടൈ-ബ്രേക്കറിൽ ജയം പിടിച്ചെടുത്തു. ലോക ഒന്നാം നന്പർ താരം അരീന സബലെങ്ക 6-7 (1/7), 6-3, 6-2 സ്കോറിന് നവോമി ഒസാക്കയെ പരാജയപ്പെടുത്തി ക്വാർട്ടർ ഫൈനലിൽ കടന്നു.
സ്വരേവിന് ജയം
പുരുഷ സിംഗിൾസിൽ രണ്ടാം സീഡ് അലക്സാണ്ടർ സ്വരേവിനും യാനിക് സിന്നറിനും മുന്നേറ്റം. ആറാം സീഡ് മുസേട്ടി അട്ടിമറിയിലൂടെ പരാജയം രുചിച്ചു.
മൂന്നാം റൗണ്ടിൽ അലക്സാണ്ടർ സ്വരേവ് (6-3, 7-6) ടെറൻസ് ആറ്റ്മാനെ നേരിട്ടുള്ള സെറ്റുകൾക്ക് പരാജയപ്പെടുത്തി. യാനിക് സിന്നർ 6-2, 7-5 സ്കോറിന് കാമറോണ് നോറിയെയ പരാജയപ്പെടുത്തിയപ്പോൾ ആറാം സീഡ് ലോറൻസോ മുസെറ്റി അട്ടിമറിക്കപ്പെട്ടു. ജിരി ലെഹെക്കായാണ് 6-3, 6-3 സ്കോറിന് മുസെറ്റിയെ പരാജയപ്പെടുത്തിയത്.
