വണ്ണപ്പുറം: ഓണത്തിന് സഹോദരിയുടെ വീടിന്റെ പാലുകാച്ചൽ ചടങ്ങിനെത്തിയ ഗൃഹനാഥന് തിളച്ച പായസത്തിൽ വീണ് ഗുരുതരമായി പൊള്ളലേറ്റു. മൂലമറ്റം ലക്ഷംവീട് കോളനി പോട്ടേപറന്പിൽ അജി (55)യ്ക്കാണ് പൊള്ളലേറ്റത്. വണ്ണപ്പുറം കന്പകക്കാനത്ത് തിരുവോണ നാളിലായിരുന്നു സംഭവം. ഒരുമാസം മുന്പാണ് സഹോദരി ഇവിടെ വീടുവാങ്ങിയത്. വീട് പുതുക്കി നിർമിച്ച ശേഷം ഓണത്തിന് പാലുകാച്ചി താമസം ആരംഭിക്കാനിരിക്കുകയായിരുന്നു. വീട്ടിലെ പാലുകാച്ചൽ ചടങ്ങിനു ശേഷമുള്ള സദ്യയ്ക്കായി തയാറാക്കിയ പായസം വാങ്ങിവയ്ക്കുന്നതിനിടെ വാർപ്പിലേക്ക് കാൽവഴുതി വീഴുകയായിരുന്നു. 60 ശതമാനത്തിലേറെ പൊള്ളലേറ്റു. തൊടുപുഴയിലെയും എറണാകുളത്തെയും സ്വകാര്യ ആശുപത്രികളിലും അടിമാലിയിലെ പാരന്പര്യ ചികിത്സകന്റെയടുക്കലും എത്തിച്ചെങ്കിലും അണുബാധയ്ക്ക് സാധ്യതയുള്ളതിനാൽ കളമശേരി മെഡിക്കൽ കോളജിലേക്ക് മാറ്റി.
Read MoreCategory: Edition News
ബംഗളൂരിൽനിന്നെത്തിയ ബസിൽ 65 ലക്ഷത്തിന്റെ കള്ളപ്പണവുമായി ഒരാൾ പിടിയിൽ
ഈരാറ്റുപേട്ട: ബംഗളൂരിൽനിന്നെത്തിയ സ്വകാര്യബസിൽ 65 ലക്ഷം രൂപയുടെ കള്ളപ്പണവുമായി ഒരാൾ പിടിയിൽ. എരുമേലി-കോട്ടയം-പാലാ വഴി ബംഗളൂരു സർവീസ് നടത്തുന്ന സാനിയ ബസിൽ കടത്തിക്കൊണ്ടുവന്ന പണവുമായി കട്ടപ്പന സ്വദേശിയായ വരിശേരി മനോജ് മണിയെയാണ് ഈരാറ്റുപേട്ട എക്സൈസ് പിടികൂടി പാലാ പോലീസിനു കൈമാറിയത്. ഇയാൾ ഇപ്പോൾ എരുമേലിയിലാണു താമസം. എരുമേലി സ്വദേശി ഷുക്കൂറിനു കൈമാറാനാണു പണവുമായെത്തിയതെന്ന് ഇയാൾ പറഞ്ഞു. ഓണത്തോടനുബന്ധിച്ച് ലഹരികടത്ത് കണ്ടെത്തുന്നതിന് എക്സൈസ് നടത്തിയ സ്പെഷ്യൽ ഡ്രൈവിനിടെ ഈരാറ്റുപേട്ട എക്സൈസ് ഇൻസ്പെക്ടർ ബിനീഷ് സുകുമാരന്റെ നേതൃത്വത്തിലുള്ള സംഘമാണ് കള്ളപ്പണം പിടികൂടിയത്.
Read Moreവഴിയോര വിശ്രമകേന്ദ്രം ‘വിശ്രമത്തിൽ’; നശിക്കുന്നതു ലക്ഷങ്ങളുടെ പദ്ധതി
പാലാ: പാലാ-തൊടുപുഴ റോഡില് അല്ലപ്പാറയില് യാത്രക്കാരുടെ സൗകര്യാര്ഥം നിര്മിച്ച വഴിയോര വിശ്രമകേന്ദ്രം പ്രവര്ത്തനരഹിതമായിട്ട് മാസങ്ങളായി. രണ്ടു വര്ഷം മുമ്പു നിര്മാണം പൂര്ത്തിയായി ഉദ്ഘാടനം ചെയ്ത വിശ്രമകേന്ദ്രം ഏതാനും മാസം പ്രവര്ത്തിച്ചെങ്കിലും കരാറുകാരന് നിര്ത്തിപ്പോവുകയായിരുന്നു. കരൂര് പഞ്ചായത്തിന്റെ ഉടമസ്ഥതയിലുള്ള വിശ്രമകേന്ദ്രം നാല്പതു ലക്ഷത്തോളം രൂപ മുടക്കി നിര്മിച്ചതാണ്. വഴിയാത്രക്കാര്ക്കു വിശ്രമിക്കുന്നതിനും ഭക്ഷണം കഴിക്കുന്നതിനും പ്രാഥമിക ആവശ്യങ്ങള് നിര്വഹിക്കുന്നതിനുമുള്ള സൗകര്യത്തോടെ നിര്മിച്ചതാണു കെട്ടിടം. കുട്ടികള്ക്കു കളിക്കുന്നതിനും ആനന്ദിക്കുന്നതിനും ഊഞ്ഞാല് ഉള്പ്പെടെയുള്ള സൗകര്യങ്ങളും ഇവിടെയുണ്ട്. ഇപ്പോള് ഇതെല്ലാം തുരുമ്പെടുത്തു നശിക്കുന്ന നിലയിലാണ്. വിശ്രമകേന്ദ്രം കുടുംബശ്രീക്കാരെ ഏല്പ്പിക്കണമെന്നാണു നാട്ടുകാരുടെ ആവശ്യം.
Read Moreഅച്ഛനെ കുത്തിപരിക്കേല്പിച്ച കേസില് മക്കള് അറസ്റ്റില്
പന്തളം: അമ്മയെ മുമ്പ് ഉപദ്രവിച്ചു എന്ന കാരണത്താല് അച്ഛനെ ഗ്ലാസ് കഷ്ണം കൊണ്ട് കഴുത്തിന് ഗുരുതരമായി കുത്തിപരിക്കേല്പിച്ച കേസില് സഹോദരന്മാരെ കൊടുമണ് പോലീസ് പിടികൂടി. പന്തളം തെക്കേക്കര തട്ടയില് മങ്കുഴി കുറ്റിയില് വീട്ടില് ഷാജി (35), സഹോദരന് സതീഷ്(37) എന്നിവരെയാണ്, പിതാവ് ശങ്കരനെ കൊലപ്പെടുത്താന് ശ്രമിച്ച കേസില് അറസ്റ്റ് ചെയ്തത്. ശങ്കരനും ഷാജിയും താമസിക്കുന്ന വീട്ടിലേക്കുള്ള വഴിയില് തിരുവോണദിവസം രാത്രി പത്തോടെയാണ് ആക്രമണം ഉണ്ടായത്. സതീഷ് പിതാവിനെ തടഞ്ഞുനിര്ത്തുകയും, ഷാജി ഗ്ലാസ് കഷണം കൊണ്ട് കഴുത്തില് കുത്തി മാരകമായി പരിക്കേല്പിക്കുകയായിരുന്നു. മറ്റൊരു മകന് സന്തോഷിന്റെ പരാതി പ്രകാരം ഇന്ന് കൊടുമണ് പോലീസ് കേസെടുത്ത് അന്വേഷണം ആരംഭിച്ചു. ഉടന്തന്നെ സംഭവസ്ഥലത്ത് നിന്നും പ്രതികളെ പോലീസ് കസ്റ്റഡിയില് എടുത്തു. വൈദ്യപരിശോധനക്ക് ശേഷം സ്റ്റേഷനില് ഹാജരാക്കി. ഷാജി നിലവില് കൊടുമണ് പോലീസ് സ്റ്റേഷനിലെ മറ്റ് മൂന്ന് കേസുകളില് പ്രതിയാണ്. സതീഷ് കുന്നംകുളം…
Read Moreവിദേശജോലി വാഗ്ദാനം ചെയ്ത് പണം തട്ടി: നാലു പേര്ക്കെതിരേ കേസ്
കൊച്ചി: വ്യാജ റിക്രൂട്ടിംഗ് ഏജന്സിയുടെ മറവില് വിദേശജോലി വാഗ്ദാനം ചെയ്ത് നിരവധി പേരില് നിന്ന് കോടികള് തട്ടിയതായി പരാതി. പണം നഷ്ടമായ കാലടി സ്വദേശിനിയുടെ പരാതിയില് ഇരിങ്ങാലക്കുട സ്വദേശി സിനോബ് ജോര്ജ് അടക്കം നാലു പേര്ക്കെതിരെ കാലടി പോലീസ് കേസെടുത്തു. സിനോബിന്റെ ഉടമസ്ഥതയില് ഇരിങ്ങാലക്കുടയില് പ്രവര്ത്തിക്കുന്ന ബ്ലൂ മിസ്റ്റി ടൂര്സ് ആന്ഡ് കണ്സള്ട്ടന്സി എന്ന സ്ഥാപനം മുഖേന ന്യൂസിലന്ഡില് ജോലി ശരിയാക്കി തരാമെന്ന് പറഞ്ഞ് 5.5 ലക്ഷം രൂപ കൈപ്പറിയശേഷം വാഗ്ദാനം ചെയ്ത ജോലി നല്കിയില്ലെന്നും ജോലിക്കായി നല്കിയ പണം തിരികെ കൊടുത്തില്ലെന്നുമാണ് പരാതി. സമാന രീതിയില് വിവിധ ജില്ലകളില് നിന്നുള്ളവര് ഇത്തരത്തില് സിനോബിന് പണം നല്കിയിട്ടുണ്ടെന്ന് പരാതിക്കാരി പത്രസമ്മേളനത്തില് പറഞ്ഞു. ആദ്യഘട്ടം ഒരു ലക്ഷം രൂപയും വിസ ലഭിക്കുമ്പോള് ബാക്കി തുകയും കൈമാറണമെന്നായിരുന്നു വ്യവസ്ഥ. എന്നാല് വാട്സ്ആപ്പില് വ്യാജ വിസ അയച്ചു തന്നശേഷം ഇയാള് ബാക്കി…
Read Moreകായംകുളം കെഎസ്ആർടിസി ബസ് സ്റ്റേഷന്റെ പഴയ കെട്ടിടം പൊളിച്ചുതുടങ്ങി
കായംകുളം : അപകടനിലയിലായ കായംകുളം കെഎസ്ആർടിസി ബസ് സ്റ്റേഷൻ കെട്ടിടം പൊളിച്ചുമാറ്റാനുള്ള നടപടി തുടങ്ങി. പുതിയ കെട്ടിടം നിർമിക്കാൻ സർക്കാർ 10 കോടി അനുവദിച്ചിട്ടുണ്ട്. കെട്ടിടം പൊളിച്ചുമാറ്റുന്നതിന്റെ ഭാഗമായി യാത്രക്കാരുടെ സുരക്ഷിതത്വം ഉറപ്പാക്കാൻ ചുറ്റും വേലി കെട്ടിത്തിരിച്ച് അകത്തേക്കുളള പ്രവേശനം നിയന്ത്രിച്ചിട്ടുണ്ട്. കെട്ടിടത്തിന്റെ മുകൾഭാഗത്തെ ഷീറ്റുകൾ പൊളിച്ചു തുടങ്ങിയിട്ടുണ്ട്. കെഎസ്ആർടിസിയുടെ ഓഫീസ് സംവിധാനങ്ങൾ താത്കാലികമായി കഴിഞ്ഞ ദിവസം മിനി സിവിൽസ്റ്റേഷനിലേക്ക് മാറ്റിയിരുന്നു. തെക്ക് ഭാഗത്ത് കാന്റീൻ പ്രവർത്തിക്കുന്ന കെട്ടിടത്തിന്റെ മുകൾഭാഗത്ത് ബസുകളുടെ ഷെഡ്യൂൾ പ്രവർത്തിപ്പിക്കുന്നതിനുള്ള ക്രമീകരണങ്ങൾ ചെയ്തിട്ടുണ്ട്. ഡിപ്പോയിലെത്തി യാത്രക്കാർക്ക് ബസ് കയറുന്നതിന് നിലവിലുള്ള രീതി തുടരും. മഴയും വെയിലും ഏൽക്കാതിരിക്കാൻ താൽക്കാലിക ഷെഡുകൾ നിർമിക്കും. രണ്ടാം ഘട്ടമായി ശുചിമുറി കെട്ടിടം, കാന്റീൻ എന്നിവ പൊളിച്ചുമാറ്റും. ആധുനിക സൗകര്യങ്ങളുള്ള കെട്ടിടം നിർമിക്കുന്നതിന് സംസ്ഥാന ബജറ്റിൽ 10 കോടി രൂപ അനുവദിച്ചിട്ടുണ്ട്. 2,10,5000 രൂപയ്ക്കാണ് കെട്ടിടം വിൽപന കരാറായിരിക്കുന്നത്.…
Read Moreആറന്മുള ഉത്രട്ടാതി ജലോത്സവം നാളെ; ഒരുക്കങ്ങൾ പൂർത്തിയായി
ആറന്മുള: ഉത്രട്ടാതി ജലോത്സവം നാളെ. പന്പാനദിയുടെ ഇരുകരകളിലായുള്ള 52 പള്ളിയോടങ്ങളും ഇത്തവണ ജലോത്സവത്തില് പങ്കെടുക്കും. എ ബാച്ചില് 35 പള്ളിയോടങ്ങളും ബി ബാച്ചില് 17 പള്ളിയോടങ്ങളുമാണുള്ളത്. ഇവയെ ഗ്രൂപ്പുകളായി തിരിച്ചാണ് ജലഘോഷയാത്രയും മത്സര വള്ളംകളിയും ക്രമീകരിച്ചിരിക്കുന്നത്. ജലമേള ആകര്ഷണീയമാക്കുന്നതിലേക്ക് വിവിധ കലാവിരുന്നുകളും നാവികസേനയുടെ അഭ്യാസ പ്രകടനവും ക്രമീകരിച്ചിട്ടുണ്ട്. സത്രക്കടവില് നിന്നു മുകളിലേക്ക് പരപ്പുഴക്കടവ് വരെ ജലഘോഷയാത്രയും പരപ്പുഴക്കടവ് മുതല് സത്രക്കടവ് വരെ മത്സരവള്ളംകളിയും നടത്തും. മത്സര വള്ളംകളിയില് ഇത്തവണ ഓരോ പള്ളിയോടത്തിന്റെയും ഹീറ്റ്സിലെ പ്രകടനത്തിന്റെ അടിസ്ഥാനത്തിലായിരിക്കും ഫൈനലിലേക്ക് തെരഞ്ഞെടുക്കുക. ആറന്മുള വള്ളംകളിയുടെ നിബന്ധനകള് കര്ശനമായി പാലിച്ച് ഏറ്റവും കുറഞ്ഞ സമയം കൊണ്ട് തുഴഞ്ഞെത്തുന്ന നാല് പള്ളിയോടങ്ങളെ ഫൈനലിലേക്ക് രണ്ട് ബാച്ചുകളിലായി തെരഞ്ഞെടുക്കും. എ ബാച്ച് പള്ളിയോടങ്ങള്ക്ക് ലൂസേഴ്സ് ഫൈനലും ഉണ്ടാകും. മുന്പ് ഗ്രൂപ്പ് അടിസ്ഥാനത്തിലാണ് ഫൈനലിലേക്ക് അയച്ചിരുന്നത്. ഇതൊഴിവാക്കിയതോടെ സെമിഫൈനല് മത്സരങ്ങളും ഉണ്ടാകില്ല. നാവികസേനയുടെ അഭ്യാസ പ്രകടനം…
Read Moreയുവാവിന്റെ കൊലപാതകം: പ്രതിയുടെ അറസ്റ്റ് രേഖപ്പെടുത്തി
കൊച്ചി: ഇടപ്പള്ളി മരോട്ടിച്ചോടില് യുവാവിനെ നടുറോഡില് കൊല്ലപ്പെട്ട നിലയില് കണ്ടെത്തിയ കേസില് പ്രതിയുടെ അറസ്റ്റ് രേഖപ്പെടുത്തി. കൊല്ലം സ്വദേശി ഷെമീറിന്റെ അറസ്റ്റ് ആണ് എളമക്കര പോലീസ് രേഖപ്പെടുത്തിയത്. ഇയാളെ ഇന്നു കോടതിയില് ഹാജരാക്കും. കൊല്ലപ്പെട്ട എറണാകുളം കൂനംതൈ സ്വദേശി പ്രവീണിന്റെ മൃതദേഹം പോസ്റ്റ്മോര്ട്ടം നടപടികള് പൂര്ത്തിയാക്കി ഇന്നു ബന്ധുക്കള്ക്കു വിട്ടുനല്കും. മദ്യപാനത്തെത്തുടര്ന്നുണ്ടായ തര്ക്കമാണ് കൊലപാതകത്തിലേക്ക് നയിച്ചതെന്നാണ് പ്രതി പോലീസിന് നല്കിയിട്ടുള്ള മൊഴി. പ്രവീണിനും ഷെമീറിനുമൊപ്പം താമസച്ചിരുന്ന തൃപ്പൂണിത്തുറ സ്വദേശിയെ പോലീസ് കസ്റ്റഡിയിലെടുത്തിരുന്നെങ്കിലും കൊലപാതകത്തില് ഇയാള്ക്ക് പങ്കില്ലെന്ന് പോലീസ് പറഞ്ഞു. തിരുവോണ ദിനത്തില് രാവിലെയാണ് ഇടപ്പള്ളി മരോട്ടിച്ചോട് ഭാഗത്ത് നടുറോഡില് യുവാവിനെ മരിച്ച നിലയില് കണ്ടെത്തിയത്. നാട്ടുകാര് വിവരം അറിയിച്ചതിനെത്തുടര്ന്ന് പോലീസ് എത്തുകയായിരുന്നു. ശനിയാഴ്ച രാത്രി മൂവരും ഒരുമിച്ചിരുന്ന് മദ്യം കഴിച്ചു. ഇതിനിടെ ഉണ്ടായ വാക്കുതര്ക്കം പിന്നീട് കൊലപാതകത്തില് കലാശിക്കുകയായിരുന്നു. പ്രവീണിനെ ക്രൂരമായി മര്ദിച്ചുവെന്ന് പ്രതി പിന്നീട് പോലീസിന്…
Read Moreവീട്ടുമുറ്റത്ത് കഞ്ചാവ് ചെടി വളര്ത്തിയയാൾ പിടിയില്; പ്രതി സജീവിന് വിവിധ ജില്ലകളിലായി നാൽപത്തിയാറോളം കേസുകൾ
മൂവാറ്റുപുഴ: വീട്ടുമുറ്റത്ത് കഞ്ചാവ് ചെടി നട്ടു വളര്ത്തിയ പ്രതി എക്സൈസ് പിടിയില്. വിവിധ കേസുകളിൽ പിടികിട്ടാപ്പുള്ളിയായ പായിപ്ര മൂങ്ങാച്ചാല് ഉറവും ചാലില് സജീവ് ജോണാ(ജോസപ്പന്-39)ണ് മൂവാറ്റുപുഴ എക്സൈസ് സംഘത്തിന്റെ പിടിയിലായത്. ഓണം സ്പെഷല് ഡ്രൈവിന്റെ ഭാഗമായി നടത്തിയ പരിശോധനയില് പ്രതിയുടെ വീട്ടുമുറ്റത്ത് കഞ്ചാവ് ചെടി നട്ടു വളര്ത്തിയ നിലയില് കണ്ടെത്തുകയായിരുന്നു. 32 സെന്റീമീറ്റര് നീളമുള്ള കഞ്ചാവ് ചെടി എക്സൈസ് സംഘം കസ്റ്റഡിയില് എടുത്തു. മൂവാറ്റുപുഴ എക്സൈസ് സര്ക്കിള് ഇന്സ്പെക്ടര് സനിലിന്റെ നേതൃത്വത്തിലുള്ള സംഘം അറസ്റ്റുചെയ്ത പ്രതിയെ കോടതിയില് ഹാജരാക്കി റിമാന്ഡ് ചെയ്തു. പ്രതിയുടെ പേരില് വിവിധ ജില്ലകളിലായി 45 ഓളം കേസുകള് നിലവിലുണ്ട്. അസിസ്റ്റന്റ് എക്സൈസ് ഇന്സ്പെക്ടര് ഗ്രേഡ് നിയാസ്, പ്രിവന്റീവ് ഓഫീസര്മാരായ ഉമ്മര്, കൃഷ്ണകുമാര്, സിവില് എക്സൈസ് ഓഫീസര് രഞ്ജിത്ത് രാജന്, വനിതാ സിവില് എക്സൈസ് ഓഫീസര് അനിതഎന്നിവരാണ് അന്വേഷണസംഘത്തിലുണ്ടായിരുന്നത്.
Read Moreനടിയെ ആക്രമിച്ച കേസ് ; പ്രോസിക്യൂഷന് വാദം പൂര്ത്തിയായി; 261 സാക്ഷികളും 1600രേഖകളും കൈമാറി
കൊച്ചി: യുവനടിയെ ആക്രമിച്ച് അശ്ലീല ദൃശ്യങ്ങള് പകര്ത്തിയ കേസില് പ്രോസിക്യൂഷന് വാദം പൂര്ത്തിയായി. അവസാന സാക്ഷിയായ അന്വേഷണ ഉദ്യോഗസ്ഥന് ബൈജു പൗലോസിന്റെ വിസ്താരം ഇന്നലെ പൂര്ത്തിയായി. കേസില് ആകെ 261 സാക്ഷികളെ വിസ്തരിച്ചു. 1,600 രേഖകളാണ് കേസില് കൈമാറിയത്. സാക്ഷി മൊഴികള് കേന്ദ്രീകരിച്ചുള്ള വിശദമായ വാദം അടുത്ത ഘട്ടത്തില് തുടരും.
Read More