Category: Editor’s Pick

നടിയ അക്രമിച്ച കേസില്‍ കുറ്റാരോപിതനായ ദിലീപിനെതിരേ താരസംഘടന സ്വീകരിച്ച നടപടി പുകമറ മാത്രമായിരുന്നെന്നു വ്യക്തമാക്കുന്ന സംഘടനാ റിപ്പോര്‍ട്ട് പുറത്ത്. കഴിഞ്ഞ 26ന് കൊച്ചിയില്‍ ചേര്‍ന്ന വാര്‍ഷിക ജനറല്‍ ബോഡിയില്‍ അവതരിപ്പിച്ച സംഘടനാ റിപ്പോര്‍ട്ടിലാണ് ഈ സൂചനകളുള്ളത്. റിപ്പോര്‍ട്ടില്‍ ദിലീപിനെ തിരിച്ചെടുക്കുന്ന കാര്യം പരാമര്‍ശിച്ചിട്ടുണ്ട്. റിപ്പോര്‍ട്ടിന്റെ ആറാം പേജിലാണ് ഇക്കാര്യം പറയുന്നത്. സംഘടനയുടെ അംഗമായ ദിലീപിന്റെ അംഗത്വം റദ്ദാക്കാന്‍ പ്രത്യേക ചില സാഹചര്യങ്ങളില്‍ അവയ്‌ലബിള്‍ എക്‌സിക്യൂട്ടിവ് കമ്മിറ്റിയില്‍ തീരുമാനമെടുത്തു. തുടര്‍ന്ന് ചേര്‍ന്ന എക്‌സിക്യൂട്ടിവ് കമ്മിറ്റി യോഗം ഈ നടപടി മരവിപ്പിച്ചെന്നും കൂടുതല്‍ നിയമസാധുതയ്ക്കായി ഇതിന്റെ തുടര്‍ നടപടികളെല്ലാം വാര്‍ഷിക പൊതുയോഗത്തിന്റെ പരിഗണനയ്ക്കായി മാറ്റിവച്ചെന്നുമാണ് റിപ്പോര്‍ട്ടില്‍ പറയുന്നത്. ദിലീപിനെ തിരിച്ചെടുക്കാനുളള തീരുമാനം അജന്‍ഡയില്‍ ഉണ്ടായിരുന്നില്ലെന്നും യോഗത്തിനിടെ പെട്ടെന്ന് ഉന്നയിക്കപ്പെടുകയായിരുന്നുവെന്നുമാണ് കഴിഞ്ഞ ദിവസം താരസംഘടന കേന്ദ്രങ്ങള്‍ പറഞ്ഞിരുന്നത്. അതേസമയം, യോഗം അവസാനിക്കാറായ സമയത്തു വേദിയില്‍ ഉണ്ടായിരുന്നവര്‍ എന്തെങ്കിലും ചോദ്യം ബാക്കിയുണ്ടോയെന്ന് ആരാഞ്ഞുവെന്നാണ്…

അമ്മ താരസംഘടനയില്‍ നിന്നും രാജിവച്ച ശേഷം നാലു നടിമാര്‍ക്കും സമൂഹത്തില്‍ നിന്നു ലഭിക്കുന്നത് വലിയ പിന്തുണയാണ്. രാഷ്ട്രീയ, സാംസ്‌കാരിക നേതാക്കള്‍ ഇവര്‍ക്ക് പിന്തുണയുമായെത്തി. അമ്മ പ്രതിരോധത്തിലാകുകയും ചെയ്തു. ഇപ്പോഴിതാ രമ്യ നമ്പീശന്‍ അമ്മ യോഗങ്ങളില്‍ എന്താണു നടക്കുന്നതെന്ന വെളിപ്പെടുത്തലുമായി രംഗത്തെത്തിയിരിക്കുകയാണ്. രമ്യ പറയുന്നതിങ്ങനെ- കഴിഞ്ഞ 10 വര്‍ഷമായി താരസംഘടനയായ അമ്മയുടെ ഭാഗമായിരുന്നു ഞാന്‍. ആദ്യമൊക്കെ എല്ലാ മീറ്റിങ്ങുകള്‍ക്കും പങ്കെടുക്കുമായിരുന്നു. യോഗങ്ങളില്‍ പോകുന്നതല്ലാതെ തങ്ങളോട് ആരും അഭിപ്രായം ചോദിക്കാറില്ല. വലിയ താരങ്ങള്‍ പറയാനുള്ളത് കേള്‍ക്കും. പിന്നീടാണ് മനസിലായത് ഇത് ഒരു തരത്തിലുള്ള അടിച്ചമര്‍ത്തലാണെന്ന്. അമ്മയില്‍ ഉന്നയിക്കാന്‍ തനിയ്ക്ക് ഒരുപാട് ചോദ്യങ്ങളുണ്ടായിരുന്നു. എന്നാല്‍ അതൊന്നും അവിടെ ചോദിക്കാന്‍ പറ്റില്ലായിരുന്നു. ഡബ്ല്യൂസിസി സംഘടന രൂപീകരിക്കാന്‍ പ്രേരിപ്പിച്ചത് അതാണ്. അതേസമയം അമ്മയ്ക്ക് എതിരെ നില്‍ക്കാനല്ല. അമ്മയ്‌ക്കൊപ്പം നിന്ന് പ്രവര്‍ത്തിക്കുകയായിരുന്നു തങ്ങള്‍ക്ക് ഇഷ്ടം. സിനിമയിലെ സ്ത്രീകള്‍ക്ക് വേണ്ടി പോരാടും അമ്മയുടെ നിലപാട് ഞെട്ടിപ്പിക്കുന്നതും അതിലേറെ…

അമ്മയിലെ തെരഞ്ഞെടുപ്പ് വിവാദത്തില്‍ സംഘടനയെ പ്രതിരോധത്തിലാക്കി നടിമാരായ പത്മപ്രിയയും പാര്‍വതിയും. തങ്ങള്‍ തെരഞ്ഞെടുപ്പില്‍ മത്സരിക്കാന്‍ തയാറായെങ്കിലും ചിലര്‍ തങ്ങളെ ഒഴിവാക്കിയെന്നും നോമിനേഷന്‍ പോലും നല്കാന്‍ സാധിച്ചില്ലെന്നും ഇരുവരും വെളിപ്പെടുത്തി. ഇപ്പോഴത്തെ ഭാരവാഹികള്‍ ചിലരുടെ അടുപ്പക്കാരാണ്. ഈ സംഘടന അതിന്റെ എല്ലാ മൂല്യങ്ങളും കളഞ്ഞു കുളിച്ചെന്നും പാര്‍വതി പറയുന്നു. രണ്ട് പേര്‍ മത്സരിക്കാനൊരുങ്ങിയിരുന്നു. എന്നാല്‍ ഒരു കൂട്ടത്തെ മുന്‍കൂട്ടി ആരോ തീരുമാനിച്ചെന്ന് ഡബ്ല്യുസിസി പറഞ്ഞു. വിദേശത്താണെന്ന് പറഞ്ഞ് നോമിനേഷനില്‍ നിന്ന് ഒഴിവാക്കിയെന്ന് പാര്‍വതിയും പത്മപ്രിയയും പറഞ്ഞു. അമ്മയുടെ നിലപാടുകള്‍ സംഘടനയുടെ ധാര്‍മികയില്‍ സംശയം ഉയര്‍ത്തുന്നതാണ്. നിലവില്‍ അമ്മയുടെ നേതൃത്വത്തില്‍ എത്തിയിരിക്കുന്നത് ആരുടെയൊക്കെയോ നോമിനികളാണെന്നും സംഘടനയില്‍ തെരഞ്ഞെടുപ്പ് സുതാര്യമല്ലെന്നും പാര്‍വതി പറഞ്ഞു. ഇക്കാര്യങ്ങള്‍ ചൂണ്ടിക്കാട്ടി ഇരുവരും അമ്മയ്ക്ക് കത്തെഴുതി. ദിലീപിനെ സംഘടനയിലേക്ക് തിരിച്ചെടുത്ത തീരുമാനം പുനഃപരിശോധിക്കണമെന്നും അതിനായി അമ്മയുടെ യോഗം വീണ്ടും വിളിക്കണമെന്നും ആവശ്യപ്പെട്ട് പാര്‍വതി, പത്മപ്രിയ, രേവതി എന്നിവര്‍…

യുവമോര്‍ച്ച പ്രവര്‍ത്തക ലസിത പാലയ്ക്കലിനെ ലൈംഗിക ചുവയുള്ള അശ്ശീല നവ മാധ്യമ കുറിപ്പിലൂടെ അപമാനിച്ച തരികിട സാബുവിനെതിരെ ബിജെപി പ്രതിഷേധം ശക്തമാക്കുന്നു. ജാമ്യമില്ലാ വകുപ്പ് പ്രകാരം കേസെടുത്ത സാബു ഏഷ്യാനെറ്റിന്റെ റിയാലിറ്റി ഷോയായ ബിഗ് ബോസ്സില്‍ പങ്കെടുക്കുകയാണ്. മുംബൈയിലാണ് ഇതിന്റെ ഷൂട്ടിംഗ്. സാബുവിനെ ഒഴിവാക്കണമെന്നാവശ്യപ്പെട്ട് ഏഷ്യാനെറ്റിന് ബിജെപി തിരുവനന്തപുരം ജില്ലാ പ്രസിഡന്റ് അഡ്വ.എസ് സുരേഷ് പരാതിയും നല്‍കി. കേരളത്തിലെ ബിജെപി പ്രവര്‍ത്തകര്‍ ഫേസ്ബുക്ക് കമന്റുകളിലൂടെ വിഷയം അമിത് ഷായുടെ ശ്രദ്ധയില്‍ കൊണ്ടു വന്നിരുന്നു. ബിജെപി സംസ്ഥാന നേതൃത്വവും വിഷയത്തിന്റെ വിശദാംശങ്ങള്‍ കേന്ദ്രത്തെ ധരിപ്പിച്ചു. ഇതിനിടെയാണ് മുംബൈയിലെ ബിഗ് ബോസ് ലൊക്കേഷനിലേക്ക് മാര്‍ച്ച് നടത്താന്‍ ബിജെപി തീരുമാനിച്ചത്. മഹാരാഷ്ട്ര ഘടകവും ഇതിന് സഹായം വാഗ്ദാനം ചെയ്തിട്ടുണ്ട്. വരുംദിവസങ്ങളില്‍ സാബുമോനെതിരേ വലിയ പ്രതിഷേധത്തിനാണ് ബിജെപി ഒരുങ്ങുന്നത്. പുതിയ സംഭവവികാസങ്ങള്‍ ഏഷ്യാനെറ്റിനും തലവേദനയായിട്ടുണ്ട്. ബിഗ് ബോസ് ഷോ ചെയ്യുന്നത് മുംബൈ കേന്ദ്രമായ…

രാജിവച്ച നടിമാര്‍ താര സംഘടനയായ അമ്മയോട് പ്രതിബദ്ധതയില്ലാത്തവരെന്ന് കെ.ബി ഗണേഷ്‌കുമാര്‍. ഇടവേള ബാബുവിന് അയച്ച വാട്‌സ് അപ്പ് സന്ദേശത്തിലാണ് ഇങ്ങനെ ഗണേഷ് കുമാര്‍ ഇങ്ങനെ പറയുന്നത്. ഗണേഷിന്റെ വാട്‌സ് അപ്പ് സന്ദേശം ഒരു സ്വകാര്യ ചാനലാണ് പുറത്തുവിട്ടത്. ചാനലില്‍ മുഖം വരാന്‍ വേണ്ടി വിവാദം ഉണ്ടാക്കുന്നത് ഒരു പണിയുമില്ലാത്ത രാഷ്ട്രീയക്കാരാണ്. രാജിവച്ച നടിമാര്‍ അമ്മയുടെ താരഷോയുമായി സഹകരിക്കാത്തവരും സിനിമയില്‍ സജീവമല്ലാത്തവരുമാണ്. പത്രക്കാരേയും ചാനലുകാരേയും പേടിച്ച് തീരുമാനങ്ങള്‍ എടുക്കാതിരിക്കരുത്. മാധ്യമങ്ങള്‍ രണ്ടു ദിവസം കഴിയുമ്പോള്‍ ഈ വിഷയം അവസാപ്പിക്കും. നെഗറ്റീവിറ്റിയാണ് മാധ്യമങ്ങളുടെ പോളിസി. ആരെയും നശിപ്പിക്കാന്‍ കിട്ടുന്ന അവസരം അവര്‍ ഉപയോഗിക്കും. അമ്മയ്ക്ക് ആരുടേയും പൊതുജന പിന്തുണ ആവശ്യമില്ല. വിവാദങ്ങളോട് പ്രതികരിക്കേണ്ട ആവശ്യമില്ലെന്നും ഗണേഷ് ഇടവേള ബാബുവിന് അയച്ച ശബ്ദരേഖയില്‍ പറയുന്നു.

അമ്മ യോഗത്തില്‍ ദിലീപിനെ സംഘടനയിലേക്ക് തിരികെയെത്തിക്കണമെന്ന് ആവശ്യപ്പെട്ട നടിയുടെ അടുത്തകാലത്തെ സാമ്പത്തി സ്രോതസ് പോലീസ് അന്വേഷിക്കുന്നു. കൊച്ചിയില്‍ നടി ആക്രമിക്കപ്പെട്ട കേസ് അന്വേഷിക്കുന്ന സംഘം തന്നെയാണ് ഇക്കാര്യത്തിലും അന്വേഷണം നടക്കുന്നത്. ഈ നടിക്ക് ദിലീപിന്‍െ വരാനിരിക്കുന്ന ചില ചിത്രങ്ങളില്‍ വലിയ റോളുകള്‍ വാഗ്ദാനം ചെയ്യപ്പെട്ടിട്ടുണ്ടെന്നാണ് ലഭിക്കുന്ന സൂചന. താന്‍ മറ്റുള്ളവരുടെ ആവശ്യം അമ്മ യോഗത്തില്‍ ഉന്നയിക്കുക മാത്രമാണ് ചെയ്തതെന്നാണ് ഈ നടി പറയുന്നത്. എന്നാല്‍ ഇവര്‍ യോഗത്തിനു രണ്ടുദിവസം മുമ്പ് ചിലരുമായി ഫോണില്‍ ദീര്‍ഘനേരം സംസാരിച്ചിരുന്നതായി പോലീസ് കണ്ടെത്തിയിട്ടുണ്ട്. ബോധപൂര്‍മായിട്ടാണ് ഇവര്‍ ദിലീപിനെ തിരിച്ചെടുക്കാന്‍ ആവശ്യപ്പെട്ടതെന്നാണ് സൂചന. നേരത്തെ വിവാദ സ്വാമി സന്തോഷ് മാധവനുമായി ബന്ധമുണ്ടെന്ന ആരോപണം ഈ നടിക്കെതിരേ ഉയര്‍ന്നിരുന്നു. അന്ന് ഇവര്‍ക്ക് കാര്യമായ പ്രശ്‌നങ്ങളൊന്നും നേരിട്ടിരുന്നില്ല. ഇപ്പോള്‍ പുതിയ വിവാദത്തില്‍ ഇടംപിടിച്ചതോടെ മലയാള സിനിമയിലെ ഗ്യാംഗിന്റെ ഭാഗമായി കൂടുതല്‍ അവസരങ്ങള്‍ നേടിയെടുക്കാനുമായി.