വാഷിംഗ്ടണ്‍ ഡിസി: ലോകത്താകെ കോവിഡ് ബാധിച്ച് മരിച്ചവരുടെ എണ്ണത്തിലെ വർധനവിന് കുറവില്ല. മരണ സംഖ്യ നാല് ലക്ഷം കടന്നു. ജോണ്‍സ് ഹോപ്കിൻസ് സർവകലാശാലയുടെ കണക്കുകൾ പ്രകാരമാണിത്. 4,02,076 പേരാണ് ഇതുവരെ കോവിഡ് ബാധിച്ച് മരണത്തിനു കീഴടങ്ങിയത്. 69,74,057 പേർക്കാണ് ഇതുവരെ രോഗംം ബാധിച്ചത്്. 34,11,281 പേർ ഇതുവരെ രോഗമുക്തി നേടി.
വിവിധ രാജ്യങ്ങളിലെ കോവിഡ് ബാധിതരുടെ എണ്ണം അമേരിക്ക-19,88,544, ബ്രസീൽ-6,75,830, റഷ്യ-4,58,689, സ്പെയിൻ-2,88,390, ബ്രിട്ടൻ-2,84,868, ഇന്ത്യ-2,46,622, ഇറ്റലി-2,34,801, ജർമനി-1,85,696, പെറു-1,91,758, തുർക്കി-1,69,218, ഇറാൻ-1,69,425, ഫ്രാൻസ്-1,53,634, ചിലി-1,27,745, മെക്സിക്കോ- 1,13,619, കാനഡ-95,057, സൗദി അറേബ്യ- 98,869, പാക്കിസ്ഥാൻ- 93,983, ചൈന-83,030.
മേൽപറഞ്ഞ രാജ്യങ്ങളിൽ രോഗബാധയേത്തുടർന്ന്് മരണപ്പെട്ടവരുടെ എണ്ണം ഇനി പറയും വിധമാണ്്. അമേരിക്ക-1,12,096, ബ്രസീൽ-36,026, റഷ്യ-5,725, സ്പെയിൻ-27,135, ബ്രിട്ടൻ-40,465, ഇറ്റലി-33,846, ഇന്ത്യ-6,946, ജർമനി-8,769, പെറു-5,301, തുർക്കി-4,669, ഇറാൻ-8,209, ഫ്രാൻസ്-29,142, ചിലി-1,541, മെക്സിക്കോ- 13,511, കാനഡ-7,773, സൗദി അറേബ്യ- 676, പാക്കിസ്ഥാൻ- 1,935, ചൈന-4,634.
രാജ്യത്ത് കോവിഡ് ബാധിതരുടെ എണ്ണം രണ്ടര ലക്ഷത്തോട് അടുക്കുന്നു
ന്യൂഡൽഹി: രാജ്യത്ത് കോവിഡ് രോഗികളുടെ എണ്ണം രണ്ടര ലക്ഷത്തോട് അടുക്കുന്നു. കേന്ദ്ര ആരോഗ്യമന്ത്രാലയത്തിന്‍റെ കണക്ക് പ്രകാരം 2,46,628 പേര്‍ക്കാണ് രാജ്യത്ത് കോവിഡ് സ്ഥിരീകരിച്ചിരിക്കുന്നത്. ശനിയാഴ്ച മാത്രം 9,887 പേര്‍ക്ക് രോഗം ബാധിച്ചു. 24 മണിക്കൂറിനിടെ 287 പേര്‍ കോവിഡ് ബാധിച്ചു മരിച്ചു. ഇതോടെ രാജ്യത്തെ മരണ സംഖ്യ 6,929 ആയി ഉയര്‍ന്നു.
രാജ്യത്ത് ഏറ്റവും കൂടുതൽ കോവിഡ് കേസുകൾ റിപ്പോർട്ടു ചെയ്തിരിക്കുന്നത് മഹാരാഷ്ട്രയിലാണ്. ഇവിടെ ശനിയാഴ്ച 2,739 പേര്‍ക്ക് രോഗം ബാധിച്ചു. ഇതോടെ സംസ്ഥാനത്തെ കോവിഡ് രോഗികളുടെ എണ്ണം 82,968 ആയി. ഇവിടെ 2,969 പേർ രോഗം ബാധിച്ചു മരിച്ചു.
തമിഴ്നാട്, ഗുജറാത്ത്, ഡൽഹി എന്നീ സംസ്ഥാനങ്ങളിലും കോവിഡ് രോഗികളുടെ എണ്ണം ക്രമാതീതമായി വർധിക്കുകയാണ്.
