മനുഷ്യരോട് വളരെ സ്നേഹത്തിൽ നിൽക്കുന്ന വളർത്തുമൃഗമാണ് നായ. നൽകുന്ന സ്നേഹത്തിന് എപ്പോഴും നന്ദിയുള്ളവരാണ് നായ്ക്കൾ. എന്നാൽ ഈ ഗുണങ്ങൾക്ക് പുറമെ വ്യത്യസ്തമായൊരു ക‍ഴിവുള്ള ഒരു നായയാണ് ഇപ്പോൾ താരമായിരിക്കുന്നത്. കണക്ക് കൂട്ടാനും കുറയ്ക്കാനും സ്കൌട്ട് എന്ന ഈ നായക്കുട്ടിയ്ക്ക് നന്നായിട്ടറിയാം.
ഇതുമായ് ബന്ധപ്പെട്ട് ചോദിക്കുന്ന ചോദ്യങ്ങൾക്ക് ഒക്കെ സ്കൌട്ട് കൃത്യമായ് ഉത്തരം നൽകും. തന്‍റെ കാലുകൾ നിലത്ത് തട്ടിയാണ് സ്കൌട്ട് ഉത്തരം പറയുന്നത്.
ചോദിക്കുന്ന ചോദ്യത്തിന്‍റെ ഉത്തരത്തിനനുസരിച്ച് സ്കൌട്ട് നിലത്ത് തട്ടും. ഒരു തവണ തട്ടിയാൽ ഉത്തരം ഒന്ന്, രണ്ട് തവണ തട്ടിയാൽ രണ്ട് ഇങ്ങനെയാണ് മറുപടി നൽകുന്നത്.
ഇൻസ്റ്റഗ്രാമിൽ ഈ വീഡിയോ മാത്‌സ് വിത്ത് സ്കൌട്ട് എന്ന അടിക്കുറിപ്പിനൊപ്പമാണ് പങ്ക്‌വച്ചിരിക്കുന്നത്. ചോദിക്കുന്ന ചോദ്യങ്ങൾക്ക് ഉത്തരങ്ങൾ വളരെ വേഗത്തിലാണ് സ്കൌട്ട് നൽകുന്നതും. അസാധ്യമായ ഈ കഴിവിനെ അഭിനന്ദിച്ച് നിരവധിപേരാണ് സോഷ്യൽ മീഡിയയിൽ സ്കൌട്ടിനെ അഭിനന്ദിച്ചത്.
