സഹായം ചെയ്യുന്നതിൽ മനുഷ്യനെന്നോ മൃഗമെന്നോ ഒന്നും ഇല്ല. ലൂൺ തടാകത്തിന്റെ തണുത്തുറഞ്ഞ മഞ്ഞ്പാളിയിൽ കുടുങ്ങിപ്പോയ മാനിന് രക്ഷകരായത് സ്റ്റീവൻസ് കൗണ്ടിയിലെ അഗ്നിശമന സേനാംഗങ്ങൾ ആണ്. ഇതിന്റെ വീഡിയോ സമൂഹമാധ്യമങ്ങളിൽ വൈറലാണ്.
തടാകത്തിൽ മാൻ കുടുങ്ങിപ്പോയതും അതിന്റെ കാലുകൾ മഞ്ഞ്പാളിയിൽ ഉറഞ്ഞ് പോയി. എത്ര വലിച്ചിട്ടും അത് പുറത്തെടുക്കാൻ സാധിക്കാതെ വന്ന് മാൻ ബുദ്ധിമുട്ടുന്നത് കണ്ട പ്രദേശവാസിയാണ് ഇക്കാര്യം സ്റ്റീവൻസ് കൗണ്ടിയിലെ അഗ്നിശമന സേനയെ വിവരം അറിയിച്ചത്. ഉടൻതന്നെ അവരവിടെ എത്തുകയും മാനിനെ രക്ഷിക്കാനുള്ള പ്രവർത്തനങ്ങൾ ചെയ്യുകയും ചെയ്തു.
രക്ഷാപ്രവർത്തനം ആരംഭിക്കുന്നതിന് മുമ്പ് അഗ്നിശമന സേനാംഗങ്ങൾ അസ്ഥിരമായ മഞ്ഞിന്റെ അവസ്ഥ ശ്രദ്ധാപൂർവം വിലയിരുത്തി. പേടിച്ചരണ്ട മൃഗത്തിന്റെ അടുത്തേക്ക് എത്താൻ ഒരു അഗ്നിശമന സേനാംഗം തണുത്തുറഞ്ഞ പ്രതലത്തിലൂടെ ഇഴഞ്ഞു നീങ്ങി. മാനിനെ ചുറ്റി ഒരു കയർ ഉറപ്പിച്ച ശേഷം, അദ്ദേഹം ഒരു റെസ്ക്യൂ സ്ട്രെച്ചർ ഉപേക്ഷിച്ച് ഐസിൽ കിടന്നു, കൂടുതൽ പരിഭ്രാന്തിയോ പരിക്കോ ഉണ്ടാകാതിരിക്കാൻ മൃഗത്തെ സുരക്ഷിതമായി പിടിച്ചു. തുടർന്ന് രക്ഷാ സംഘം ഇരുവരെയും പതുക്കെ തീരത്തേക്ക് വലിച്ചടുപ്പിച്ചു. ശേഷം മാനിനെ സുരക്ഷിതമായി അതിന്റെ സ്വാഭാവിക ആവാസ വ്യവസ്ഥയിലേക്ക് തിരികെ വിട്ടു.
ഇതിന്റെ വീഡിയോ സോഷ്യൽ മീഡിയയിൽ വൈറലായി. നിരവധി ആളുകളാണ് അതോടെ കമന്റുമായി എത്തിയത്. മാനിനെ സുരക്ഷിതസ്ഥലത്തേക്ക് എത്തിച്ച അഗ്നിശമന സേനാംഗങ്ങളെ എല്ലാവരും അഭിനന്ദിച്ചു.
