ഫുട്പാത്ത് തകർന്ന് വീണുണ്ടായ വലിയ കുഴിയിലേക്ക് രണ്ട് യുവതികൾ വീഴുന്നതിന്‍റെ ഭീകര സിസിടിവി ദൃശ്യങ്ങൾ പുറത്ത്. തുർക്കിയിലെ ദിയാർബകിറിലാണ് സംഭവം നടന്നത്. സംസാരിച്ചുകൊണ്ട് നടന്നു വരുന്ന ഇരുവരും നിൽക്കുമ്പോൾ വലിയ ശബ്ദത്തോടെ ഫുട്പാത്ത് തകർന്നു വീഴുകയായിരുന്നു.
കുഴിയിൽ കുടുങ്ങിയ ഇവരെ സംഭവ സ്ഥലത്തേക്ക് ഓടിക്കൂടിയ മറ്റ് ആളുകളാണ് പുറത്തെടുത്തത്. നിസാര പരിക്ക് മാത്രമേ ഇവർക്ക് സംഭവിച്ചിട്ടുള്ളുവെന്നാണ് റിപ്പോർട്ടുകൾ സൂചിപ്പിക്കുന്നത്. സംഭവത്തെപ്പറ്റി അന്വേഷണം പുരോഗമിക്കുകയാണ്.
