ന്യൂഡൽഹി: ചെന്നൈ സൂപ്പർ കിംഗ്സിന്‍റെ ന്യൂസിലൻഡ് താരം ഡിവോൺ കോണ്വെയ്ക്ക് ഐപിഎൽ ട്വന്‍റി-20 ക്രിക്കറ്റിലെ ആദ്യ പാദം നഷ്ടമാകും. ഇടത് കൈവിരലിനേറ്റ പരിക്കിന് ശസ്ത്രക്രിയയ്ക്ക് വിധേയനാകുന്നതിനാൽ മേയ് വരെ കോണ്വെ കളിക്കളത്തിൽ ഉണ്ടാകില്ല.
ഈ ആഴ്ച ശസ്ത്രക്രിയയ്ക്ക് വിധേയനാകും. എട്ട് ആഴ്ചത്തെ വിശ്രമം കോണ്വെയ്ക്ക് ആവശ്യമാണെന്ന് ന്യൂസിലൻഡ് ക്രിക്കറ്റ് ബോർഡ് പ്രസ്താവനയിൽ അറിയിച്ചു. മാർച്ച് 22നാണ് ഐപിഎൽ ആരംഭിക്കുന്നത്.
കോണ്വെയുടെ അസാന്നിധ്യം ചെന്നൈയ്ക്കു വൻ തിരിച്ചടിയാണ്. കഴിഞ്ഞ സീസണിൽ ഗുജറാത്ത് ടൈറ്റൻസിനെതിരായ ഫൈനലിൽ ചെന്നൈ കപ്പുയർത്തിയപ്പോൾ കളിയിലെ താരം കോണ്വെയായിരുന്നു.
