മാതമംഗലം: മാതമംഗലം പുലിയൂർക്കാളി ക്ഷേത്രത്തിൽ കളിയാട്ടത്തിനിടെ മാലമോഷണം. ഇന്നലെ ഉച്ചകഴിഞ്ഞ് 2.35 ഓടെയാണ് സംഭവം. പറവൂർ പാപ്പിനിശേരി വളപ്പിൽ വീട്ടിൽ പി.വി. രോഹിണിയുടെ (76) അഞ്ചര പവന്റെ സ്വർണമാലയാണ് കർണാടക കുടക് സ്വദേശികളായ നാലങ്ക സംഘം മോഷ്ടിച്ചത്.
സംഘത്തിലെ അനിത (40), ഗീത (38) എന്നീ രണ്ടുപേരെ പെരിങ്ങോം പോലീസ് കസ്റ്റഡിയിലെടുത്ത് റിമാൻഡ് ചെയ്തു.മറ്റ് രണ്ടുപേർ മാലയുമായി ഓടി രക്ഷപ്പെട്ടു. അമ്പലത്തിലെ സിസിടിവിയിൽ മോഷണം നടത്തിയ ദൃശ്യങ്ങൾ ലഭ്യമാണ്. ഇവർ നേരത്തെയും പല സ്ഥലങ്ങളിലും മോഷണം നടത്തിയിട്ടുണ്ടെന്നാണ് വിവരം.
