ഉറങ്ങിക്കിടന്ന വീട്ടമ്മയുടെയും കുട്ടിയുടെയും മാലയും മോതിരവും കവർന്നു; വീട് കുത്തിത്തുറന്ന്  കൊണ്ടുപോയത് 5 പ​വ​നും  ഒ​രു​ല​ക്ഷം രൂ​പ​യും

വ​ള​പ​ട്ട​ണം(കണ്ണൂർ): വീ​ടി​ന്‍റെ വാ​തി​ൽ കു​ത്തി​ത്തു​റ​ന്ന് അ​ഞ്ച​ര​ പ​വ​ൻ സ്വ​ർ​ണാ​ഭ​ര​ണ​ങ്ങ​ളും 1,04,000 രൂ​പ​യും ക​വ​ർ​ച്ച ന​ട​ത്തി. വ​ള​പ​ട്ട​ണം മ​ന്ന മാ​യി​ച്ചാ​ൻ​കു​ന്നി​ലെ ഷാ​ർ​ബ മ​ൻ​സി​ലി​ലെ സൈ​ന​ബ​യു​ടെ വീ​ട്ടി​ലാ​ണ് ക​വ​ർ​ച്ച ന​ട​ന്ന​ത്. വ്യാ​ഴാ​ഴ്ച പു​ല​ർ​ച്ചെ​യാ​ണ് ക​വ​ർ​ച്ച ന​ട​ന്ന​തെ​ന്ന് സം​ശ​യി​ക്കു​ന്നു.

വീ​ടി​ന്‍റെ വാ​തി​ൽ കു​ത്തി​ത്തു​റ​ന്ന് അ​ക​ത്തു​ക​യ​റി​യ മോ​ഷ്ടാ​ക്ക​ൾ താ​ഴ​ത്തെ നി​ല​യി​ലെ കി​ട​പ്പു​മു​റി​യി​ലെ അ​ല​മാ​ര​യി​ൽ സൂ​ക്ഷി​ച്ച ര​ണ്ട​ര പ​വ​ൻ സ്വ​ർ​ണ​മാ​ല​യും 1,04,000 രൂ​പ​യും ക​വ​ർ​ച്ച ചെ​യ്ത​ശേ​ഷം

അ​ടു​ത്ത മു​റി​യി​ൽ ഉ​റ​ങ്ങു​ക​യാ​യി​രു​ന്ന സൈ​ന​ബ​യു​ടെ ക​ഴു​ത്തി​ൽ അ​ണി​ഞ്ഞി​രു​ന്ന ര​ണ്ടു​പ​വ​ൻ മാ​ല​യും കു​ഞ്ഞി​ന്‍റെ കൈ​യി​ലു​ണ്ടാ​യി​രു​ന്ന അ​ര​ പ​വ​ൻ ബ്രേ​സ്‌​ലെ​റ്റും അ​ര​ പ​വ​ന്‍റെ സ്വ​ർ​ണ​മോ​തി​ര​വും സ്വ​ർ​ണ മാ​ല​യും ക​വ​ർ​ന്നു.

രാ​വി​ലെ എ​ഴു​ന്നേ​റ്റ​പ്പോ​ഴാ​ണ് ക​ഴു​ത്തി​ലു​ള്ള സ്വ​ർ​ണ​മാ​ല ന​ഷ്ട​പ്പെ​ട്ട​താ​യി സൈ​ന​ബ​യ്ക്ക് മ​ന​സി​ലാ​യ​ത്. തു​ട​ർ​ന്ന് ന​ട​ത്തി​യ അ​ന്വേ​ഷ​ണ​ത്തി​ലാ​ണ് അ​ഞ്ച​ര പ​വ​ൻ സ്വ​ർ​ണാ​ഭ​ര​ണ​ങ്ങ​ളും 1,04,000 രൂ​പ​യും ന​ഷ്ട​പ്പെ​ട്ട​താ​യി മ​ന​സി​ലാ​യ​ത്.

തു​ട​ർ​ന്ന് വ​ള​പ​ട്ട​ണം പോ​ലീ​സി​നെ വി​വ​ര​മ​റി​യി​ച്ച​തി​നെ തു​ട​ർ​ന്ന് പോ​ലീ​സ് സ്ഥ​ല​ത്തെ​ത്തി പ​രി​ശോ​ധ​ന ന​ട​ത്തി. ഡോ​ഗ് സ്ക്വാ​ഡും വി​ര​ല​ട​യാ​ള വി​ദ​ഗ്ധ​രും ക​വ​ർ​ച്ച ന​ട​ന്ന സ്ഥ​ല​ത്തെ​ത്തി പ​രി​ശോ​ധി​ച്ചു.

സ​മീ​പ സ്ഥ​ല​ത്തെ വീ​ടു​ക​ളി​ലെ​യും വ്യാ​പാ​ര സ്ഥാ​പ​ന​ങ്ങ​ളി​ലെ​യും സി​സി​ടി​വി ദൃ​ശ്യ​ങ്ങ​ളും പോ​ലീ​സ് പി​ര​ശോ​ധി​ച്ചു. ക​വ​ർ​ച്ച​ക്കാ​ർ​ക്കാ​യി അ​ന്വേ​ഷ​ണം വ്യാ​പി​ച്ച​താ​യി വ​ള​പ​ട്ട​ണം പോ​ലീ​സ് അ​റി​യി​ച്ചു.