കൊച്ചി: സംസ്ഥാനത്ത് ഇന്ന് ഇന്ധനവില വര്‍ധിച്ചു. പെട്രോളിന് 25 പൈസയും ഡീസലിന് 26 പൈസയുമാണ് ഇന്ന് വര്‍ധിച്ചത്. ഇതോടെ കൊച്ചിയില്‍ പെട്രോള് ലിറ്ററിന് 84.81 രൂപയും ഡീസലിന് 78.91 രൂപയുമായി.
ഈമാസം രണ്ടാം തവണയാണ് ഇന്ധനവിലയില്‍ വര്‍ധനവ് രേഖപ്പെടുത്തുന്നത്. കഴിഞ്ഞ അഞ്ചിനും ഇന്ധനവില വര്‍ധിച്ചിരുന്നു. രാജ്യാന്തര വിപണിയിലെ വില വര്‍ധനയാണ് ആഭ്യന്തര വിപണിയിലും വില കൂടാന്‍ കാരണമെന്ന് എണ്ണക്കമ്പനികള്‍ പറയുന്നു.
അസംസ്‌കൃത എണ്ണ ഉത്പാദനം നിയന്ത്രിക്കാന്‍ സൗദി അറേബ്യ തീരുമാനിച്ചതോടെ രാജ്യാന്തര വിപണിയില്‍ വില കഴിഞ്ഞ 11 മാസത്തെ ഉയര്‍ന്ന നിലയിലെത്തി.
