പതുങ്ങിയിരിക്കുന്നത് വൻ അപകടം..! നി​രോ​ധി​ത രാ​സ​വ​സ്തുവായ പൊ​ട്ടാ​സ്യം സ​യ​നൈ​ഡ്  പാലക്കാട് ജില്ലയിൽ  വ്യാ​പ​കം; അതിർത്തി കടന്നെത്തുന്ന സയനൈഡിന് പിന്നിൽ വൻ റക്കറ്റ്

ഷൊ​ർ​ണൂ​ർ: നി​രോ​ധി​ത രാ​സ​വ​സ്തു​വാ​യ പൊ​ട്ടാ​സ്യം സ​യ​നൈ​ഡ് വ്യാ​പ​ക​മാ​യി ജി​ല്ല​യി​ലെ​ത്തു​ന്നു. അ​ധി​കൃ​ത​ർ ഇ​ക്കാ​ര്യം അ​റി​ഞ്ഞി​ട്ടും അ​റി​യാ​ത്ത ഭാ​വം ന​ടി​ക്കു​ക​യാ​ണ്. സം​സ്ഥാ​ന​ത്ത് വ​ൻ​വ്യ​വ​സാ​യ​ശാ​ല​ക​ൾ​ക്കു മാ​ത്ര​മാ​ണ് പൊ​ട്ടാ​സ്യം സ​യ​നൈ​ഡ് ഉ​പ​യോ​ഗി​ക്കാ​ൻ അ​നു​മ​തി​യു​ള്ള​ത്. ജി​ല്ല​യി​ൽ ആ​ർ​ക്കും ഇ​ത് ഉ​പ​യോ​ഗി​ക്കാ​ൻ അ​നു​മ​തി​യി​ല്ലെ​ന്നി​രി​ക്കേ പല ആ​ഭ​ര​ണ​നി​ർ​മാ​ണ​ശാ​ല​ക​ളി​ലും ഇ​ത് നി​ർ​ലോ​ഭം ല​ഭ്യ​മാ​ണ്.

അ​ന്യ​സം​സ്ഥാ​ന​ങ്ങ​ളി​ൽ​നി​ന്നാ​ണ് ഇ​വ അ​തി​ർ​ത്തി ക​ട​ന്നു പാ​ല​ക്കാ​ട്ടെ​ത്തു​ന്ന​ത്. ഇ​തി​നു പി​ന്നി​ൽ വ​ൻ റാ​ക്ക​റ്റ് ത​ന്നെ പ്ര​വ​ർ​ത്തി​ക്കു​ന്നു. കോ​യ​ന്പ​ത്തൂ​ർ ആസ്ഥാ​ന​മാ​യി പ്ര​വ​ർ​ത്തി​ക്കു​ന്ന സം​ഘ​മാ​ണ് ഇ​തി​നു പി​ന്നി​ൽ. സ്വ​ർ​ണാ​ഭ​ര​ണ​ങ്ങ​ൾ​ക്ക് ത​ങ്ക​ത്തി​ന്‍റെ നി​റം ന​ല്കു​ന്ന ക​ള​റിം​ഗ് ജോ​ലി​ക​ൾ​ക്കാ​ണ് പൊ​ട്ടാ​സ്യം സ​യ​നൈ​ഡി​ന്‍റെ ലാ​യ​നി ഉ​പ​യോ​ഗി​ക്കു​ന്ന​ത്.

മു​ന്പ് കോ​യ​ന്പ​ത്തൂ​രി​ലെ ആ​ഭ​ര​ണ നി​ർ​മാ​ണ​ശാ​ല​ക​ൾ കേ​ന്ദ്രീ​ക​രി​ച്ചാ​യി​രു​ന്നു മ​റ്റു സം​സ്ഥാ​ന​ങ്ങ​ളി​ൽ​നി​ന്നും പൊ​ട്ടാ​സ്യം സ​യ​നൈ​ഡ് എ​ത്തി​യി​രു​ന്ന​ത്. മ​ഹാ​രാ​ഷ്ട്ര, ഗു​ജ​റാ​ത്ത് എ​ന്നി​വി​ട​ങ്ങ​ളി​ൽ​നി​ന്നാ​യി​രു​ന്നു ഇ​ത്.ഇ​പ്പോ​ൾ കേ​ര​ള​ത്തി​ലെ ചെ​റു​കി​ട ആ​ഭ​ര​ണ നി​ർ​മാ​ണ​ശാ​ല​ക​ളി​ലേ​ക്കും സ​യ​നൈ​ഡ് നേ​രി​ട്ട് എ​ത്തി​ക്കു​ന്ന ക​ണ്ണി​ക​ൾ വ്യാ​പ​ക​മാ​ണ്.
ചെ​റി​യ അ​ള​വി​ൽ മാ​ത്രം സ​യ​നൈ​ഡ് കൊ​ണ്ടു​വ​രു​ന്ന​തി​നാ​ൽ ഈ ​സം​ഘ​ങ്ങ​ളെ പി​ടി​കൂ​ടാ​ൻ അ​ധി​കൃ​ത​ർ​ക്ക് ക​ഴി​യു​ന്നി​ല്ല.

ക്രി​സ്റ്റ​ൽ രൂ​പ​ത്തി​ലെ​ത്തി​ക്കു​ന്ന പൊ​ട്ടാ​സ്യം സ​യ​നൈ​ഡ് ആ​സി​ഡി​ൽ ചേ​ർ​ത്ത് ലാ​യ​നി ത​യാ​റാ​ക്കു​ന്നു. ലാ​യി​നി സം​ഭ​രി​ച്ച ഗ്ലാ​സ് പാ​ത്ര​ത്തി​ൽ ത​ങ്ക​ത്തി​ന്‍റെ ചെ​റി​യ ത​കി​ടും താ​ഴ്ത്തി​വ​ച്ചി​ട്ടു​ണ്ടാ​കും. തു​ട​ർ​ന്ന് ചെ​ന്പി​ലും സ്വ​ർ​ണ​ത്തി​ലും തീ​ർ​ത്ത ആ​ഭ​ര​ണ​ങ്ങ​ൾ ആ ​ലാ​യ​നി​യി​ലേ​ക്ക് താ​ഴ്ത്തി​വ​ച്ചാ​ണ് ത​ങ്ക​ത്തി​ന്‍റെ നി​റം ന​ല്കു​ന്ന​ത്.സം​സ്ഥാ​ന​ത്ത് പൊ​ട്ടാ​സ്യം സ​യ​നൈ​ഡ് ഉ​പ​യോ​ഗി​ക്കാ​ൻ അ​നു​മ​തി​യു​ള്ള​ത് വ​ൻ​കി​ട വ്യ​വ​സാ​യ​ശാ​ല​ക​ൾ​ക്ക് മാ​ത്ര​മാ​ണെ​ന്നി​രി​ക്കേ​യാ​ണ് ചെ​റു​കി​ട​ക്കാ​ർ​പോ​ലും വ്യാ​പ​ക​തോ​തി​ൽ സ​യ​നൈ​ഡ് ഉ​പ​യോ​ഗി​ക്കു​ന്ന​ത്.

ഇ​തി​നെ​തി​രേ ന​ട​പ​ടി​യി​ല്ലാ​ത്ത​തു​മൂ​ലം ഈ ​രം​ഗ​ത്തു​ള്ള​വ​ർ​ക്ക് ആ​രേ​യും ഭ​യ​പ്പെ​ടേ​ണ്ട​തി​ല്ല. 2001-ൽ ​മാ​ത്ര​മാ​ണ് ഇ​തി​നു​മു​ന്പ് പൊ​ട്ടാ​സ്യം സ​യ​നൈ​ഡ് കൈ​വ​ശം വ​ച്ച​തു​മാ​യി ബ​ന്ധ​പ്പെ​ട്ട് ഒ​രു കേ​സ് ര​ജി​സ്റ്റ​ർ ചെ​യ്ത​ത്.പി​ന്നീ​ട് ഇ​ന്നു​വ​രെ ആ​ർ​ക്കെ​തി​രേ​യും ഒ​രു ന​ട​പ​ടി​യും​ഉ​ണ്ടാ​യി​ട്ടി​ല്ലെ​ന്നു ബ​ന്ധ​പ്പെ​ട്ട​വ​ർ പ​റ​യു​ന്നു. അ​തി​മാ​ര​ക​വും നി​മി​ഷ​നേ​രം​കൊ​ണ്ട് മ​ര​ണം സം​ഭ​വി​ക്കു​ന്ന​തു​മാ​യ രാ​സ​പ​ദാ​ർ​ഥ​മാ​ണി​ത്.

വ​ള​രെ സൂ​ക്ഷി​ച്ചു​മാ​ത്രം കൈ​കാ​ര്യം ചെ​യ്യേ​ണ്ട ഈ ​വ​സ്തു​വാ​ണ് ഒ​രു​ത​ര​ത്തി​ലു​ള്ള നി​യ​ന്ത്ര​ണ​ങ്ങ​ളു​മി​ല്ലാ​തെ വ്യാ​പ​ക​മാ​യി ഉ​പ​യോ​ഗി​ക്ക​പ്പെ​ടു​ന്ന​ത്. ഇ​തി​ന്‍റെ വി​പ​ണ​ന​വും ഉ​പ​യോ​ഗ​വും ത​ട​യു​ക​യും ഫ​ല​പ്ര​ദ​മാ​യി പ്ര​തി​രോ​ധ ന​ട​പ​ടി​ക​ൾ സ്വീ​ക​രി​ക്കു​ക​യും ചെ​യ്യാ​ത്ത​പ​ക്ഷം വ​ൻ​ദു​ര​ന്ത​മാ​കും പ​രി​ണി​ത​ഫ​ലം. പോ​ലീ​സും ഡ്ര​ഗ്സ് അ​ധി​കൃ​ത​രും ഇ​ക്കാ​ര്യം ഗൗ​ര​വ​ത്തി​ലെ​ടു​ക്കേ​ണ്ട​താ​ണ്.