കാക്കനാട്: കാറിന് ഇഷ്ട നന്പർ സ്വന്തമാക്കാൻ നടൻ പൃഥ്വിരാജ് ചെലവിട്ടത് ആറു ലക്ഷം രൂപ. കെഎൽ 7 സിഎൻ ഒന്ന് എന്ന നന്പറാണ് ലേലത്തിൽ പങ്കെടുത്ത മറ്റുള്ളവരെ പിന്നിലാക്കി പൃഥ്വി സ്വന്തമാക്കിയത്. ഈ നന്പറിന്‍റെ രജിസ്ട്രേഷൻ ഫീസിനത്തിൽ ഒരു ലക്ഷം രൂപ വേറെയും ചെലവായി.
ഇന്നലെ കാക്കനാട് ആർടി ഓഫീസിൽ നടന്ന വാഹന നന്പർ ലേലത്തിൽഏറ്റവും കൂടിയ തുകയ്ക്ക് പോയ നന്പറും ഇതായിരുന്നു. 30, 56,000 രൂപയാണ് സർക്കാരിലേക്ക് പിരിഞ്ഞുകിട്ടിയത്. സിഎൻ സീരിസിൽ തുടങ്ങുന്ന നന്പറുകൾക്കായിരുന്നു വാശിയേറി ലേലം നടന്നത്.
രാവിലെ 11ന് ആരംഭിച്ച ലേല നടപടികൾ വൈകുന്നേരം 4.30 നാണ് അവസാനിച്ചത്. 34 നന്പറുകളും മുൻകൂർ ബുക്ക് ചെയ്തിരുന്നതാണ്. ജോയിന്റ് ആർടിഒ കെ.എൽ. ഫ്രാങ്കിളാണ് ലേലത്തിന് നേതൃത്വം നൽകിയത്.
