പരവൂര്: ഇന്ത്യന് റെയില്വേയുടെ ടിക്കറ്റ് ബുക്കിംഗ് സംവിധാനം പൂര്ണമായും ഡിജിറ്റല് യുഗത്തിലേക്ക് മാറുന്നു. രാജ്യത്തെ ആകെ റിസര്വേഷന് ടിക്കറ്റുകളില് 88 ശതമാനവും ഇപ്പോള് ഓണ്ലൈന് ബുക്കിംഗ് വഴിയാണ് നടക്കുന്നത്. റെയില്വേയുടെ പുതിയ സംയോജിത മൊബൈല് ആപ്ലിക്കേഷനായ ‘റെയില് വണ് ‘ ചുരുങ്ങിയ കാലയളവിനുള്ളില് വന് വിജയമായതാണ് ഈ മാറ്റത്തിന് പിന്നിലെ പ്രധാന ഘടകം.
ഐആര്സിടിസി വെബ്സൈറ്റും ആപ്പും വഴിയുള്ള ബുക്കിംഗും ഇതിന് പുറമെ സജീവമായി തുടരുന്നു.
ഓണ്ലൈന് സംവിധാനങ്ങള്ക്കൊപ്പം സാധാരണക്കാര്ക്ക് ടിക്കറ്റ് ലഭ്യമാക്കുന്നതിനായി വിവിധ ഏജന്റുമാരെയും റെയില്വേ നിയമിച്ചിട്ടുണ്ട്. ഹാള്ട്ട് ഏജന്റുമാര്, ജന് സാധാരണ് ടിക്കറ്റ് ബുക്കിംഗ് സേവകര്, സ്റ്റേഷന് ടിക്കറ്റ് ബുക്കിംഗ് ഏജന്റുമാര് എന്നിവര് വഴിയും ടിക്കറ്റുകള് ലഭിക്കും. തൊഴിലില്ലാത്ത യുവാക്കള്ക്കും മറ്റും ഇത്തരം ഏജന്സി തസ്തികകളിലേക്ക് അപേക്ഷിക്കാം.
എന്നാല് റിസര്വേഷന് ടിക്കറ്റുകള് കൈകാര്യം ചെയ്യുന്ന യാത്രി ടിക്കറ്റ് സുവിധാ കേന്ദ്രങ്ങള്ക്ക് ഈ രംഗത്ത് ചുരുങ്ങിയത് രണ്ട് വര്ഷത്തെ പ്രവൃത്തിപരിചയം നിര്ബന്ധമാണ്. ടിക്കറ്റ് ബുക്കിംഗ് പൂര്ണമായും ഡിജിറ്റലൈസ് ചെയ്യുന്നതിലൂടെ സ്റ്റേഷനുകളിലെ ടിക്കറ്റ് കൗണ്ടറുകളിലെ നീണ്ട ക്യൂ ഒഴിവാക്കാന് സാധിക്കുമെന്നാണ് റെയില്വേയുടെ പ്രതീക്ഷ.
എസ്.ആര്. സുധീര് കുമാര്
