സോഷ്യൽ മീഡിയ റീലുകളിലൂടെയും ഷോർട് ഫിലിമിലൂടെയുമെല്ലാം ആളുകളുടെ മനസിൽ ഇടം പിടിച്ച താരമാണ് രേണു സുധി. അന്തരിച്ച കാലകാരൻ സുധിയുടെ ഭാര്യ ആയ രേണുവിന് ഇപ്പോൾ സുധിയേക്കാൾ ആരാധകർ ഉണ്ട്. വനിതാ ദിനത്തിൽ മഞ്ജു പത്രോസ് പങ്കുവച്ച വീഡിയോയ്ക്ക് ഇപ്പോൾ പ്രതികരണവുമായി എത്തിയിരിക്കുകയാണ് രേണു.
സ്ത്രീകളുടെ അഭിമാനത്തെക്കുറിച്ച് പറഞ്ഞ വീഡിയോയിൽ മഞ്ജു യൂട്യൂബര്മാരുടെ ഡബിള് മീനിങ് ചോദ്യം ആസ്വദിച്ച് മറുപടി നല്കുന്ന സെലിബ്രിറ്റിയെക്കുറിച്ച് പരാമര്ശിച്ചിരുന്നു. ഇത് രേണുവിനെ ഉദ്ദേശിച്ചുള്ളതാണെന്നായിരുന്നു ആരോപണം.
ഇപ്പോൾ ഇതിന് മറുപടിയുമായാണ് രേണു എത്തിയത്. ‘എന്റെ പേരെടുത്ത് പറയുന്നില്ലെങ്കിലും മഞ്ജു പത്രോസ് ഉദ്ദേശിച്ചത് എന്നെ തന്നെയാകും. കാരണം യൂട്യൂബേഴ്സ് വട കഴിച്ചിട്ടുണ്ടോ എന്ന് ചോദിച്ചത് എന്നോടാണ്. എനിക്കത് തമാശയായിട്ടാണ് തോന്നിയത്. ഞാന് പൊതുവെ തമാശകള് ഇഷ്ടപ്പെടുന്നയാളാണ്. ഞാന് കാര്യങ്ങളെ ചിരിച്ചു കൊണ്ട് നേരിടുന്നയാളാണ്. ഡബിള് മീനിങ് ആയി തോന്നിയിട്ടില്ല. ഇങ്ങനെ രസകരമായ തമാശകള് കേള്ക്കുമ്പോള് അതേ രീതിയിലുള്ള ഉത്തരം തന്നെ കൊടുക്കാനാണ് തോന്നുന്നത്’ എന്ന് രേണു പറയുന്നു.
താൻ ഇത്രയും സെലിബ്രിറ്റി ആയതിന്റെ അസൂയ കൊണ്ടാണ് പലര്ക്കും ഇങ്ങനെ താഴ്ത്തി പറയാന് തോന്നുന്നത്. ഇവരുടെയൊക്കെ വാക്കും കേട്ട് ഞാനൊരു മൂലയ്ക്ക് ഇരുന്നിരുന്നെങ്കില് എനിക്ക് ചിലവിന് പൈസ ഇവര് കൊണ്ടു തരുമായിരുന്നോ? എന്നും രേണു ചോദിക്കുന്നുണ്ട്.
