വൈപ്പിന്: അഴീക്കല് മല്ലികാര്ജുനക്ഷേത്രത്തിലെ പ്രതിഷ്ഠയില് ചാര്ത്തിയിരുന്ന സ്വര്ണം പൊതിഞ്ഞ രുദ്രാക്ഷ മാലയില് നിന്ന് 73 രുദ്രാക്ഷങ്ങള് കാണാതായതായി പരാതി. മൊത്തം 108 രുദ്രാക്ഷങ്ങളാണ് മാലയില് ഉണ്ടായിരുന്നത്.
2025 ജനുവരി ഒന്നിനും 2026 മാര്ച്ച് 22നും ഇടയിലുള്ള ദിവസമാണ് ഇത് നഷ്ടപ്പെട്ടിരിക്കുന്നതെന്നാണ് ക്ഷേത്രം ഭരണസമിതി മുന് മാനേജര് ഞാറക്കല് പോലീസില് നല്കിയ പരാതിയില് പറയുന്നത്.
കാണാതായ രുദ്രാക്ഷത്തിന് 400 മില്ലിഗ്രാം തൂക്കം വരും. ഇതിന് മൂന്നരലക്ഷം രൂപയോളം വിലമതിക്കുമെന്നും പരാതിയില് പറയുന്നു. ഞാറക്കല് പോലീസ് കേസ് രജിസ്റ്റര് ചെയ്ത് അന്വേഷണം ആരംഭിച്ചിട്ടുണ്ട്.
