കോട്ടയം: പാലാ പോളിടെക്നിക്കിൽ പോലീസിനുനേരെ എസ്എഫ്ഐ പ്രവർത്തകരുടെ ഭീഷണി. കെഎസ്‌യു-എസ്എഫ്ഐ സംഘർഷത്തെ തുടർന്ന് കാന്പസിലെത്തിയ പാലാ ഗ്രേഡ് എസ്ഐ അടക്കമുള്ള പോലീസുകാർക്കെതിരേയാണ് എസ്എഫ്ഐ നേതാക്കൾ ഭീഷണി മുഴക്കിയത്.
താൻ പോടോ… സാറേ, താൻ പോടോ അവിടന്ന്… താൻ പോയി തന്‍റെ പണി നോക്ക് എന്നിങ്ങനെയാണ് നേതാക്കൾ എസ്ഐയോട് പ്രതികരിച്ചത്. സംഭവത്തിൽ മൂന്ന് എസ്എഫ്ഐ പ്രവർത്തകർക്കെതിരേ പോലീസ് കേസ് രജിസ്റ്റർ ചെയ്തു. എന്നാൽ ഇവരെ പിടികൂടിയിട്ടില്ല.
