തെന്നിന്ത്യൻ താര സുന്ദരിമാരാണ് തൃഷയും നയൻതാരയും. ഇരുവരും തമ്മിൽ അത്ര വലിയ രസത്തിലല്ല എന്ന അഭ്യൂഹങ്ങൾ പണ്ടു മുതലേ പരന്നിരുന്നു. എന്നാൽ അഭ്യൂഹങ്ങളെല്ലാം കാറ്റിൽ അടിച്ചു പറത്തിവിട്ടിരിക്കുകയാണ് താര സുന്ദരിമാർ. തൃഷയും നയൻതാരയും ഒന്നിച്ചുള്ള ഫോട്ടോ ആണിപ്പോൾ വൈറലാകുന്നത്.
ബോട്ടിൽ ഇരുന്ന് സൂര്യാസ്തമയം ആസ്വദിക്കുന്ന ചിത്രമാണ് ഇരുവരും പങ്കുവച്ചിരിക്കുന്നത്. രണ്ടു പേരും കറുപ്പ് നിറത്തിലുള്ള ഔട്ട്ഫിറ്റാണ് ധരിച്ചിരിക്കുന്നത്. ചിത്രം എഐ ആണെന്നാണ് ആദ്യം കരുതിയത്. എന്നാൽ രണ്ടാളും പരസ്പരം കണ്ടുമുട്ടി പഴയ സൗഹൃദം പുതുക്കിയത് ഇരുവരുടേയും സിനിമകളിൽ പോലും ഇല്ലാത്ത ട്വിസ്റ്റ് ആണെന്നാണ് ആരാധകർ പറയുന്നത്. ‘തൃഷ ഇല്ലെങ്കിൽ നയൻതാര ഇല്ല’ എന്നൊക്കെയാണ് പോസ്റ്റിന് താഴെ നിറയുന്ന കമന്റുകൾ.
