ഇരിട്ടി(കണ്ണൂർ): കോവിഡ് മുന്നണി പോരാളികളായ പോലീസ് സേനാംഗങ്ങൾ വാക്സിൻ ചാലഞ്ചിലേക്ക് തുക കൈമാറി.
ഇരിട്ടി ഡിവൈഎസ്പി ഓഫീസിലെ മൂന്നുപേരും ഇരിട്ടി പോലീസ് സ്റ്റേഷനിലെ 37 പേരുമാണ് വാക്സിൻ ചലഞ്ചിലേക്ക് തുക നൽകിയത്.
3,65,129 രൂപയാണ് ഇവർ കൈമാറിയത്. ആജീവനാന്ത കാലം പ്രതിമാസം 2,000 രൂപ ദുരിതാശ്വാസനിധിയിലേക്ക് സംഭാവന നൽകുമെന്ന് ഇരിട്ടി ഡിവൈഎസ്പി പ്രിൻസ് ഏബ്രഹാമും സർക്കാരിനെ അറിയിച്ചിട്ടുണ്ട്.
ഇരിട്ടി ഡിവൈഎസ്പി ഓഫീസിൽ വച്ച് നടന്ന ചടങ്ങിൽ ഇരിട്ടി ഡിവൈഎസ്പി പ്രിൻസ് ഏബ്രഹാം ജില്ലാ പഞ്ചായത്ത് വൈസ്. പ്രസിഡന്റ്് അഡ്വ. ബിനോയ് കുര്യന് സമ്മതപത്രം കൈമാറി.
ഇരിട്ടി സിഐ എം.പി. രാജേഷ് അധ്യക്ഷത വഹിച്ചു. ചടങ്ങിൽ കേരള പോലീസ് ഓഫീസേഴ്സ് അസോസിയേഷൻ ജില്ലാ കമ്മിറ്റി അംഗം കെ.പി. അനീഷ്, സി. പ്രിയേഷ് എന്നിവർ പ്രസംഗിച്ചു.