ഇറാനിൽ യുഎസ്- ഇസ്രായേൽ സംയുക്ത അധിനിവേശത്തിനിടെ ഇന്ത്യാ പാകിസ്ഥാൻ യുദ്ധം ഉണ്ടാവുമെന്ന പ്രവചനവുമായി ജ്യോതിഷി ആചാര്യ റീന ശർമ. ഇവരുടെ വീഡിയോ സമൂഹ മാധ്യമങ്ങളിൽ വൈറലാണ്.
പാകിസ്ഥാനെ അടുത്ത് തന്നെ ഇന്ത്യ അക്രമിക്കുമെന്നും അതിനാൽ എല്ലാവരും യുദ്ധത്തിനായി തയാറെടുക്കണമെന്നും ഇവർ വീഡിയോയിലൂടെ പറഞ്ഞു. 2026 മാർച്ച് 21-നാണ് യുദ്ധം ഉണ്ടാവുന്നതെന്നുൂം ഇവർ വീഡിയോയിൽ പറഞ്ഞു.
അർധ രാത്രിയിലാകും ഇന്ത്യ ഇതിനായി തയാറെടുക്കുകയെന്നും റീന അവകാശപ്പെട്ടു. ഇന്ത്യയുടെ അതിർത്തികൾ വൈകാതെതന്നെ മാറ്റിയെഴുതുമെന്നും തിരിച്ച് വരവിന്റെ പാതയിലാണ് ഇന്ത്യയെന്നും റീന അവകാശപ്പെട്ടു. ഗ്രാഫിക്സുകൾ കൊണ്ടും മറ്റ് എഫക്റ്റ്സുകളും നിറഞ്ഞതായിരുന്നു വീഡിയോ.
വീഡിയോ വൈറലായതോടെ യുവതിക്കെതിരേ വിമർശനവുമായി ധാരാളം ആളുകൾ രംഗത്തെത്തി. ഭയപ്പെടുത്തരുതെന്നും അസംബന്ധങ്ങൾ വിളിച്ച് പറയരുതെന്നും മിക്കവരും കമന്റ് ചെയ്തു.
