എൻവിഡിയ സിഇഒ ജെൻസൻ ഹുവാംഗിന്റെ ഡാൻസ് വീഡിയോയാണ് സമൂഹ മാധ്യമങ്ങളിൽ വൈറലായിരിക്കുന്നത്. തായ്വാനിൽ നടന്ന ജീവനക്കാരുടെ ആഘോഷപരിപാടിക്കിടയിൽ സിഇഒ ജെൻസൻ ഹുവാംഗ് കാഴ്ചവച്ച നൃത്ത ചുവടുകളാണ് സമൂഹ മാധ്യമങ്ങളിൽ വ്യാപകമായി പ്രചരിക്കുന്നത്. തായ്പേയിലെ എൻവിഡിയയുടെ പുതിയ ആസ്ഥാനവുമായി ബന്ധപ്പെട്ട് നടന്ന കമ്പനിയുടെ കൺസ്റ്റലേഷൻ ഓൾ എംപ്ലോയി സെലിബ്രേഷൻ പരിപാടിക്കിടെയാണ് അദ്ദേഹം സ്റ്റേജിൽ ജീവനക്കാരോടൊപ്പം വളരെ റിലാക്സ്ഡായും സ്വാഭാവികമായും നൃത്തം ചെയ്തത്.
ആഗോളതലത്തിൽ ട്രില്യൺ കണക്കിന് ഡോളർ മൂല്യമുള്ള ടെക് കമ്പനിയുടെ തലവനായ ജെൻസൻ ഹുവാംഗ്, കോർപ്പറേറ്റ് ചട്ടക്കൂടുകൾക്ക് പുറത്തുകടന്ന് ജീവനക്കാരോട് ലളിതമായി ഇടപഴകുന്നത് ആളുകൾക്കിടയിൽ വലിയ പ്രശംസയാണ് പിടിച്ചുപറ്റിയിരിക്കുന്നത്. ഈ നൃത്തച്ചുവടുകൾ സമൂഹമാധ്യമങ്ങളിൽ വൻ തരംഗമാവുകയും ചെയ്തു.
കമ്പനിയുടെ സിഇഒ ഇത്രയും ലളിതമായി പെരുമാറുന്നത് വിരളമാണെന്നും, അദ്ദേഹത്തിന്റെ സമീപനം ജീവനക്കാർക്ക് വലിയ ആത്മവിശ്വാസം നൽകുന്നതാണെന്നും സോഷ്യൽ മീഡിയയിൽ ആളുകൾ പ്രശംസിച്ചു. ആർട്ടിഫിഷൽ ഇന്റലിജൻസ് വിപ്ലവത്തിന്റെ കേന്ദ്രബിന്ദുവായി തായ്വാനെ വിശേഷിപ്പിച്ച അദ്ദേഹം, തായ്വാനിൽ പ്രതിവർഷം 150 ബില്യൺ ഡോളർ നിക്ഷേപിക്കാൻ കമ്പനി പദ്ധതിയിടുന്നതായും ഇതോടൊപ്പം അറിയിച്ചു. എൻവിഡിയ സിഇഒ ജെൻസൻ ഹുവാങ് സ്റ്റേജിൽ തന്റെ ജീവനക്കാർക്കൊപ്പം നൃത്തം ചെയ്യുന്ന വൈറൽ വീഡിയോ കാണാം.
