ചവറ: ലോഡ്ജ് മുറിയിൽ കയറി യുവാവിനെ ആറംഗസംഘം വെട്ടിപരിക്കേൽപ്പിച്ചു. പന്മന കോലം സ്വദേശി ശിവപ്രസാദി(36)നെയാണ് വെട്ടിപരിക്കേൽപ്പിച്ചത്. പന്മന പുത്തൻചന്തയിലുള്ള ലോഡ്ജിൽ ഇന്നലെ രാത്രിയിലായിരുന്നു ആക്രമണം. ബൈക്കിലെത്തിയ സംഘംമുറിയുടെ കതക് തുറന്ന് അകത്തുകയറി ശിവപ്രസാദിനെ വടിവാൾകൊണ്ട് തലയ്ക്കുവെട്ടുകയായിരുന്നു.
കന്പിവടികൊണ്ട് ദേഹത്ത് അടിക്കുകയായും ചെയ്തതായി കരുനാഗപ്പള്ളി താലൂക്ക് ആശുപത്രിയിൽ ചികിത്സയിൽ കഴിയുന്ന ശിവപ്രസാദ് പറഞ്ഞു. ചവറ പോലീസ് കേസെടുത്തു. സംഘംസഞ്ചരിച്ചിരുന്ന ബൈക്കുകളുടെ നന്പരുകളെക്കുറിച്ചുള്ള വിവരം പോലീസിന് ലഭിച്ചിട്ടുണ്ട്.
എന്തിനെന്നറിയില്ല..! ചവറയിൽ ബൈക്കിലെത്തിയ സംഘം യുവാവിനെ ലോഡ്ജിൽ കയറി വെട്ടി പരിക്കേൽപിച്ചു; പ്രതികളെക്കുറിച്ച് വിവരം ലഭിച്ചതായി പോലീസ്
