ജിന്നിനെ തുരത്തും ഭാനുത്താത്ത..! വെ​ള്ളം മ​ന്ത്രി​ച്ചൂ​തി ചി​കി​ത്സ ന​ട​ത്തു​ന്ന സി​ദ്ധയെ പോലീസ് പിടികൂടി; വിശ്വാസ വഞ്ചനയ്ക്ക് കേസെടുത്തു

വ​ട​ക​ര: വെ​ള്ളം മ​ന്ത്രി​ച്ച് ഉൗ​തി ചി​കി​ത്സ ന​ട​ത്തു​ന്ന സി​ദ്ധ ഒ​ടു​വി​ൽ പോ​ലീ​സ് പി​ടി​യി​ലാ​യി. പു​റ​മേ​രി​യി​ൽ മ​ന്ത്ര​വാ​ദ​ത്തി​നി​ടെ യു​വ​തി തീ​പ്പൊ​ള്ള​ലേ​റ്റ സം​ഭ​വ​ത്തെ തു​ട​ർ​ന്ന് പോ​ലീ​സ് സ​ജീ​വ​മാ​യി രം​ഗ​ത്തു വ​ന്ന​തോ​ടെ​യാ​ണ് വ​ട​ക​ര മു​നി​സി​പ്പാ​ലി​റ്റി​യി​ലെ പു​റ​ങ്ക​ര അ​ഴി​ത്ത​ല സാ​ന്‍റ്ബാ​ങ്ക്സി​നു സ​മീ​പം കാ​ളി​യ​ത്ത് ഹൗ​സി​ൽ ഭാ​നു​ത്ത (50) കു​ടു​ങ്ങി​യ​ത്. വ്യാ​ജ​ചി​കി​ത്സ ന​ട​ത്തി ജ​ന​ങ്ങ​ളെ ക​ബ​ളി​പ്പി​ക്കു​ന്നു​വെ​ന്ന പ​രാ​തി​യി​ൽ ഇ​വ​രെ പോ​ലി​സ് അ​റ​സ്റ്റ് ചെ​യ്തു.

ര​ഹ​സ്യ വി​വ​ര​ത്തെ തു​ട​ർ​ന്ന് വ​ട​ക​ര എ​സ്ഐ കെ.​പി.​ജി​ജേ​ഷി​ന്‍റെ നേ​തൃ​ത്വ​ത്തി​ലു​ള്ള സം​ഘം ചി​കി​ത്സാ ക്രേ​ന്ദ​ത്തി​ൽ റെ​യ്ഡ് ന​ട​ത്തി​യ​പ്പോ​ൾ ക​ണ്ട​ത് മ​ന്ത്ര​വാ​ദ​ത്തി​ന്‍റെ സാ​മ​ഗ്രി​ക​ളാ​യി​രു​ന്നു. വി​വി​ധ​ത​രം എ​ണ്ണ​ക​ൾ, പൊ​ടി, ക​ട​ലാ​സ് പൊ​തി​ക​ൾ, വെ​ള്ളി ആ​ഭ​ര​ണ​ങ്ങ​ൾ,  ഉ​റു​ക്ക്, ത​കി​ട്, കു​റെ ഡ​ബ്ബ​ക​ൾ എ​ന്നി​വ പോ​ലി​സ് ക​സ്റ്റ​ഡി​യി​ലെ​ടു​ത്തു. വി​വി​ധ പൊ​തി​ക​ളി​ലാ​ക്കി​യ ക​റ​ൻ​സി​യും ക​ണ്ടെ​ടു​ത്തു.

വെ​ള​ള​ത്തി​ലൂ​തി​യും ഭ​സ്മം കൊ​ടു​ത്തും മ​രു​ന്ന് പു​ക​ച്ചും രോ​ഗം മാ​റ്റു​ന്ന സി​ദ്ധി​യു​ണ്ടെ​ന്ന് വി​ശ്വ​സി​പ്പി​ച്ചാ​ണ് രോ​ഗി​ക​ളെ ചി​കി​ത്സാ​കേ​ന്ദ്ര​ത്തി​ലേ​ക്ക് ആ​ക​ർ​ഷി​ക്കു​ന്ന​ത്.  പ​ത്തു വ​ർ​ഷ​ത്തോ​ള​മാ​യി ഇ​വ​ർ വ്യാ​ജ ചി​കി​ത്സ ന​ട​ത്തി​വ​രു​ന്ന​താ​യി പോ​ലി​സ് പ​റ​ഞ്ഞു. ഇ​വി​ടെ പ്രാ​ർ​ഥ​ന​ക്കും രോ​ഗ​ശാ​ന്തി​ക്കു​മാ​യി എ​ത്തു​ന്ന​വ​രെ വി​ശ്വ​സി​പ്പി​ക്കാ​ൻ മ​ത​ഗ്ര​ന്ഥ​ങ്ങ​ളും സൂ​ക്ഷി​ച്ചി​ട്ടു​ണ്ട്. എ​ന്നാ​ൽ സി​ദ്ധ​ക്ക് എ​ഴു​ത്തും വാ​യ​ന​യും അ​റി​യി​ല്ലെ​ന്നും പ​ത്ര​വാ​യ​ന​യോ ടെ​ലി​വി​ഷ​ൻ കാ​ണു​ന്ന ശീ​ല​മോ ഇ​ല്ലെ​ന്നും പോ​ലി​സ് വ്യ​ക്ത​മാ​ക്കി.

മു​നി​സി​പ്പാ​ലി​റ്റി​യി​ലെ ത​ന്നെ മു​ക​ച്ചേ​രി ഭാ​ഗ​ത്താ​യി​രു​ന്ന ഭാ​നു​ത്ത​യും കു​ടും​ബ​വും അ​ഴി​ത്ത​ല​യി​ലേ​ക്കു താ​മ​സം മാ​റ്റു​ക​യാ​യി​രു​ന്നു. രോ​ഗം മാ​റ്റാ​നു​ള്ള സി​ദ്ധി​യു​ണ്ടെ​ന്നു പ​റ​ഞ്ഞ് പി​ന്നീ​ട് ചി​കി​ത്സ തു​ട​ങ്ങി. പ്ര​ധാ​ന​മാ​യും മ​നോ​രോ​ഗ​ത്തി​നാ​ണ് ചി​കി​ത്സ. രോ​ഗി​യു​ടെ ശ​രീ​ര​ത്തി​ൽ ജി​ന്നു ക​ട​ന്നു​കൂ​ടി​യെ​ന്നു പ​റ​ഞ്ഞ് മ​ന്ത്ര​വാ​ദം ചെ​യ്യു​ന്നു. ഒ​പ്പം പ്രാ​ർ​ഥ​ന​യും ന​ട​ത്തും.

നാ​ട്ടു​കാ​ർ പൊ​തു​വെ സ​മീ​പി​ക്കാ​റി​ല്ലെ​ങ്കി​ലും താ​ലൂ​ക്കി​ന്‍റെ കി​ഴ​ക്ക​ൻ മേ​ഖ​ല​യി​ലു​ള്ള​വ​ർ പ​തി​വാ​യി എ​ത്താ​റു​ണ്ട്. പോ​ലി​സ് റെ​യ്ഡ് ന​ട​ത്തു​ന്പോ​ൾ രോ​ഗ​ശാ​ന്തി​ക്കാ​യി പ്രാ​ർ​ഥ​ന ന​ട​ത്താ​ൻ നി​ര​വ​ധി പേ​ർ കേ​ന്ദ്ര​ത്തി​ലു​ണ്ടാ​യി​രു​ന്നു. സി​ദ്ധ​യോ​ടൊ​പ്പം ഭ​ർ​ത്താ​വ് ഹം​സ​യെ ക​സ്റ്റ​ഡി​യി​ലെ​ടു​ത്തെ​ങ്കി​ലും പി​ന്നീ​ട് വി​ട്ട​യ​ച്ചു. ഇ​വ​ർ​ക്ക് ഒ​രു മ​ക​ള​ട​ക്കം നാ​ല് മ​ക്ക​ളു​ണ്ട്. വി​ശ്വാ​സ​വ​ഞ്ച​ന​ക്ക് കേ​സെ​ടു​ത്ത ഭാ​നു​ത്ത​യെ ഇ​ന്നു കോ​ട​തി​യി​ൽ ഹാ​ജ​രാ​ക്കും.