റോ​ക്കി കുഴപ്പക്കാരനല്ല..! കാ​ടി​ന​രി​കി​ൽ ക​ണ്ട അ​പ​രി​ചി​ത​നെ നാ​ട്ടു​കാ​ർ പിടികൂടി പോലീസിലേൽപി​ച്ചു;പിടിയിലായ ക​ർ​ണാ​ട​ക സ്വ​ദേ​ശി റോ​ക്കി മാവേയിസ്റ്റ​ല്ലെ​ന്നു പോലീസ്

പേ​രാ​മ്പ്ര: കാ​ടി​ന​രി​കി​ൽ ക​ണ്ട അ​പ​രി​ചി​ത​ൻ മാ​വോ​യി​സ്റ്റാ​ണെ​ന്നു ക​രു​തി നാ​ട്ടു​കാ​ർ ഇ​ന്ന​ലെ പെ​രു​വ​ണ്ണാ​മൂ​ഴി പോ​ലീ​സി​ലേ​ല്പി​ച്ച ക​ർ​ണാ​ട​ക സ്വ​ദേ​ശി റോ​ക്കി കു​ഴ​പ്പ​ക്കാ​ര​ന​ല്ലെ​ന്നു ക​ണ്ടെ​ത്തി. ഇ​യാ​ളെ ആ​ഗ്ര​ഹ​പ്ര​കാ​രം ചാ​ല​ക്കു​ടി​യി​ൽ ധ്യാ​ന​ത്തി​നാ​യി സൗ​ക​ര്യ​ങ്ങ​ൾ ന​ൽ​കി ഇ​ന്നു പ​റ​ഞ്ഞ​യ​ക്കാ​നാ​ണ് തീ​രു​മാ​ന​മെ​ന്നു പേ​രാ​മ്പ്ര സി​ഐ കെ.​പി. സു​നി​ൽ​കു​മാ​ർ രാ​ഷ്ട്ര​ദീ​പി​ക​യോ​ട് പ​റ​ഞ്ഞു.

ഇ​ന്ന​ലെ രാ​വി​ലെ പ​ത്തോ​ടെ​യാ​ണു പെ​രു​വ​ണ്ണാ​മൂ​ഴി പേ​രാ​മ്പ്ര എ​സ്റ്റേ​റ്റ് ഭാ​ഗ​ത്തു​വെ​ച്ച് റോ​ക്കി​യെ നാ​ട്ടു​കാ​ർ ക​ണ്ട​ത്. എ​സ്റ്റേ​റ്റ് തൊ​ഴി​ലാ​ളി​ക​ൾ ഇ​യാ​ളെ വ​ള​ഞ്ഞു​വ​ച്ചു പെ​രു​വ​ണ്ണാ​മൂ​ഴി പോ​ലീ​സി​ൽ വി​വ​ര​മ​റി​യി​ച്ചു. പോ​ലീ​സെ​ത്തി  ക​സ്റ്റ​ഡി​യി​ലെ​ടു​ത്തു. ചോ​ദ്യം ചെ​യ്യാ​നാ​യി പേ​രാ​മ്പ്ര സ​ർ​ക്കി​ൾ ഓ​ഫീ​സി​ലേ​ക്കു കൊ​ണ്ടു​പോ​യി.

റോ​ക്കി എ​യ്ഞ്ച​ൽ ലി​മ (35) എ​ന്നാ​ണി​യാ​ളു​ടെ പേ​ര്. ക​ർ​ണ്ണാ​ട​ക കാ​ൽ​വാ​ർ സി​ർ​സി പോ​ലീ​സ് സ്റ്റേ​ഷ​ൻ പ​രി​ധി​യി​ലെ താ​മ​സ​ക്കാ​ര​നാ​ണെ​ന്നു ചോ​ദ്യം ചെ​യ്യ​ലി​ൽ മ​ന​സി​ലാ​യി. മൂ​ന്നി​ല​ധി​കം ഭാ​ഷ സം​സാ​രി​ക്കും. സി​ർ​സി സ്റ്റേ​ഷ​നി​ൽ ബ​ന്ധ​പ്പെ​ട്ട​പ്പോ​ൾ ഇ​യാ​ൾ പ​റ​ഞ്ഞ​ത് ശ​രി​യാ​ണെ​ന്നും മ​നോ​നി​ല അ​ല്പം ത​ക​രാ​റാ​യ യു​വാ​വാ​ണെ​ന്നും അ​റി​യി​ച്ചു.

മം​ഗ​ലാ​പു​ര​ത്തു നി​ന്നു കാ​ൽ ന​ട​യാ​യി ചാ​ല​ക്കു​ടി​യി​ൽ ധ്യാ​ന​ത്തി​നു പോ​കാ​നാ​യി പു​റ​പ്പെ​ട്ട​താ​ണെ​ന്നും വ​ഴി​തെ​റ്റി പെ​രു​വ​ണ്ണാ​മൂ​ഴി​യി​ലെ​ത്തി യ​തു​മാ​ണെ​ന്നു റോ​ക്കി പോ​ലീ​സി​നോ​ട് പ​റ​ഞ്ഞു. പേ​രാ​മ്പ്ര സ്റ്റേ​ഷ​നി​ൽ ക​സ്റ്റ​ഡി​യി​ൽ സൂ​ക്ഷി​ച്ചി​രി​ക്കു​ന്ന ഇ​യാ​ളെ​ക്കു​റി​ച്ചു കൂ​ടു​ത​ൽ അ​ന്വേ​ഷ​ണം ന​ട​ത്തി​യ ശേ​ഷ​മാ​ണ് പ്ര​ശ​ന​ക്കാ​ര​ന​ല്ലെ​ന്നു ബോ​ധ്യ​പ്പെ​ട്ട് വി​ട്ട​യ​ക്കാ​ൻ തീ​രു​മാ​നി​ച്ച​ത്.