കൊച്ചി: തിയറ്ററുകള്‍ വേണ്ടന്നു പറയുന്ന താരങ്ങളെ തിയറ്ററുകാര്‍ക്കും വേണ്ടെന്ന് ഫിലിം എക്‌സിബിറ്റേഴ്‌സ് യുണൈറ്റഡ് ഓര്‍ഗനൈസേഷന്‍ ഓഫ് കേരള(ഫിയോക്). ഒടിടിയിലേക്ക് പോകുന്തോറും താരങ്ങള്‍ ജനഹൃദയങ്ങളില്‍ നിന്ന് മാറിപ്പോകും. തിയറ്റര്‍ റിലീസിന് ശേഷം ചുരുങ്ങിയത് 42 ദിവസത്തിനുശേഷം സിനിമ ഒടിടിയിലേക്ക് എന്ന തീരുമാനം ശക്തമായി നടപ്പാക്കുമെന്നും കൊച്ചിയില്‍ ചേര്‍ന്ന ഫിയോക് ജനറല്‍ ബോഡിയോഗത്തിന് ശേഷം പ്രസിഡന്‍റ് കെ. വിജയകുമാര്‍ പറഞ്ഞു. വിശദീകരണം തൃപ്തികരം; ദുല്‍ഖറിന്‍റെ വിലക്ക് പിന്‍വലിച്ചു കൊച്ചി: ദുല്‍ഖര്‍ സല്‍മാന്‍റെ കമ്പനിക്ക് ഫിയോക് ഏര്‍പ്പെടുത്തിയിരുന്ന വിലക്ക് പിന്‍വലിച്ചു. ദുല്‍ഖറിന്‍റെ കമ്പനിയുമായും അദ്ദേഹത്തിന്‍റെ ചിത്രങ്ങളുമായും വീണ്ടും സഹകരിക്കാനും ഇന്നലെ കൊച്ചിയില്‍ചേര്‍ന്ന ജനറല്‍ബോഡി യോഗത്തില്‍ തീരുമാനമായി. ദുല്‍ഖറിന്‍റെ പുതിയ ചിത്രം സല്യൂട്ട് ഒടിടിയ്ക്ക് നല്‍കിയതുമായി ബന്ധപ്പെട്ടായിരുന്നു വിലക്ക് ഏർപ്പെടുത്തിയത്. ഈ വിഷയത്തില്‍ ദുല്‍ഖര്‍ നല്‍കിയ വിശദീകരണം തൃപ്തികരമാണെന്ന് ബോധ്യപ്പെട്ടതിനാലാണ് വിലക്ക് പിന്‍വലിക്കുന്നതെന്ന് ഫിയോക് പ്രസിഡന്‍റ് കെ. വിജയകുമാര്‍ പത്രസമ്മേളനത്തില്‍ പറഞ്ഞു
Read Moreതിയറ്റര്‍ വേണ്ടാത്ത താരങ്ങളെ തിയറ്ററുകാര്‍ക്കും വേണ്ട; ദുൽഖർ വിശദീകരണം കേട്ടു,വിലക്ക് പിന്‍വലിച്ചെന്ന് ഫിയോക്
